見多識廣

《見多識廣》（粵拼：gin3 do1 sik1 gwong2）係廣州電視台搞嘅其中一部遊戲節目，佢係包括咗趣味益智、遊戲服務喺埋一齊嘅文藝類節目。佢通過揀觀眾唔係幾知或成日傳下傳下嘅「粵文化」（包括咗文字、順口簧、地名、典故、美食、愛情俗語等等），佢重通過咗情景演繹、問答搶答，嘉賓PK同專家解釋呢啲方式畀大家提供咗新舊嘅粵文化知識、資訊同潮流。重可以滿足廣州本土新生代、外地新客家人點樣睇廣府文化，同時重畀好多嘅觀眾點樣睇廣州，重提供咗咗大家嘅日常生活方便。而呢個節目係打破咗成個廣東地區，點解晚黑冇粵語趣味競技文化類嘅節目。呢部節目喺2014年4月5號嘅廣州電視台嘅綜合頻道首播，一直播到2014年11月1號嘅最後一集先至結束，總共播咗31集。播咗之後都俾廣州嘅觀眾歡迎咗。

遊戲規則

手快有手慢冇

遊戲開頭係由10位選手喺主持人讀嗮題之後再搶答。答啱嘅直接入下關；答錯嘅罰停一次，其他人繼續搶答。最後有7位選手晉級，攞到企位獎。搶答方式係用㩒搶答器鬥快，而呢個關卡喺第6集（2014年5月31號）改版就取消咗。直到第15集（2014年6月28號）先至重新將呢個環節攞返出嚟，改咗係得3條題，答題時間10秒鐘，邊個組答啱得最多題嘅就係贏咗呢關。搶答方式改咗用搖啲唥鐘鼓嚟鬥快搶答。同之前唔同嘅係多咗個大懲罰環節。呢個環節喺2014年7月12號取消咗，直到2014年9月13號先至重新攞返出嚟。

大懲罰環節

手快有手慢冇嘅大懲罰環節係出現喺3條題目答嗮之後，輸咗嗰隊嚟接受懲罰嘅。以下呢個清單就係節目播到而家為止，凈係出咗呢啲環節：

• 夾氣球
• 踩乒乓波

拍公仔紙

呢個關卡一般出現喺手快有手慢冇嘅關卡之後，佢係要係上關成功入到呢關嘅7位選手入面，每位都要拍公仔紙，如估出有「見多識廣」嘅LOGO，噉拍到嗰位就係擂主。喺2014年5月10號嗰集開始取消咗。

我至識廣

呢個關卡係由擂主揀位選手一齊PK答題，而且有免答權（啫係畀人哋答），如估肥佬咗嗰位就要接受大懲罰，贏咗嗰位就可以入下輪挑戰。喺2014年5月31號改版就將規則改成6位守擂者同挑戰者一齊答題PK，每答啱一題就有100蚊，邊位贏咗就係擂主，重攞埋企位獎。而呢個關卡喺2014年6月28號就取消咗。

答題限時

參賽者答題限時，最初啲關卡係20秒，得返4——5位參賽者嗰陣就係變咗15秒內，如估得返3位或以下嘅，就係限時10秒。

大懲罰

呢關如估肥佬咗嗰位係接受氹氹轉菊花園，轉都你頭暈嘅懲罰。喺2014年5月31號改版，呢個懲罰就取消咗，改咗係離開表演臺。

揀對手PK

之前呢關入面揀選手係通過嗌數字嚟揀嘅，但係喺2014年6月7號，就改咗係用抽籤嘅方式嚟揀邊個PK。

一錘定音

一錘定音嘅規則係根據一條開放趣味題嚟按返邊啲玩家寫出嚟嘅最近標準答案嗰位嚟實現分組，呢個欄目喺2014年6月28號開放。

百發百中

百發百中嘅規則係以團隊嚟做單位，喺100秒入面答10條題。呢關係先玩完一個隊再玩另一個隊，如估100秒用嗮，就唔畀答題。最後睇邊個組用得最短時間答嗮10條題嘅，就係贏咗嗰組。呢個欄目喺2014年6月28號開放。喺2014年8月23號就改成邊個答啱題數最多嘅，就係贏咗嗰組。

點指兵兵

點指兵兵嘅規則係由兩個組之間，其中一個答題嘅選手要喺主持人問問題之前，事先揀正人哋嗰組嘅事但一個選手嚟答題。呢個欄目喺2014年6月28號開放。喺2014年8月23號就改成3隊嘅其中兩個對手之間嘅PK。

賣豬仔（之前嗌過「一筆out消」嘅名）

呢度唔冇同翡翠台嘅一筆out消節目搞亂。

呢關一般出現喺手快有手慢冇嘅關卡之後。佢係喺兩個隊入面通過內部投票，嚟揀出人哋嗰組最屎嗰位淘汰佢。喺揀出人哋嗰組最屎嗰位方面，輸咗嗰隊揀自己嗰組1位翻生，贏咗嗰隊揀人哋嗰組2位出局。喺2014年7月26號就改咗名嗌「賣豬仔」，而呢個環節喺2014年8月23號就取消咗，改成隊伍全隊隊員淘汰嘅方式。

車輪大戰

呢關一般出現喺手快有手慢冇嘅關卡之後。佢係喺最後凈低嗰3位選手入面按順序抽籤嚟輪流答題，如估半佬答錯，即刻淘汰。凈低最後一位就入神通廣大關卡。呢個環節喺第23集（2014年8月23號）取消咗。

神通廣大

呢關一般出現喺我至識廣嘅關卡之後。佢係喺大屏幕廣播或播出咗密碼之後，上一關過嗮關嘅凈低嗰位參賽者，要喺30秒入面隨便揀獎品，30秒之後就唔畀揀獎品喇，之後一定要將個求先廣播咗嘅密碼喺30秒內重新講返啱嗮出嚟（錯半隻字或半個動作都唔得，唔理你記唔記得廣播嘅密碼，因為密碼凈係廣播一次）先至可以帶走嗮你自己揀嘅獎品。呢個環節喺第26集（2014年9月13號）取消咗。

終極關卡

呢個欄目喺2014年9月13號嘅欄目正式推出。上一關過嗮關嘅凈低嗰位參賽者，要喺限時內答出問題，凈係答啱咗先至可以攞得嗮啲獎品。如估答錯或限時內答唔出嘅話，一定要揀三份獎品唔攞走先至得。

遊戲之最

第一位全程通關嘅人

呢個遊戲從節目最開始度做擂主，一直到神通廣大嘅自己講出廣播密碼為止，都過埋關嘅第一個人係第5集（2014年5月10號）嘅「加飛」呢位。而佢通關嘅神通廣大密碼係：「河邊有隻羊，羊邊有隻象。象邊有隻馬騮仔，好似你噉樣。河邊有隻牛，牛邊有隻象。象邊有隻馬騮仔，好似佢噉樣。」

第一位最快半佬帶住擂主離開嘅人

呢個遊戲從節目最開始度做擂主，第一位最快半佬帶住擂主離開（啫係淘汰咗另外3位參賽者之後將擂主畀咗第位參賽者）嘅人係第4集（2014年4月26號）嘅「泳凝」呢位。

神通廣大最簡單嘅通關密碼

呢個遊戲從開播到而家，神通廣大呢關入面，最簡單嘅通關密碼係第15——17集（2014年6月28號、2014年7月5號、2014年7月12號），嗰幾集嘅通關密碼凈係得3個中文字+3個數字+三個英文字母嘅組合。

一集內全程通關嘅人

呢度寫嘅係從2014年4月5號開始到而家為止，從遊戲最開始嗰度到神通廣大呢關嘅密碼都答啱埋為止嘅玩家：

• 2014年5月10號（第6集）：加飛
• 2014年5月31號（第9集）：SiSi
• 2014年6月28號（第15集）：瑩瑩

連出去

• 见多识广 廣視網