貓咪咖啡室

一間位於日本京都名為「貓咪會議」（日文：ねこ会議）嘅貓咪咖啡室。

貓咪咖啡館內通常有貓陪住客人，呢幅圖係台北松山區嘅一間貓咪咖啡室

將啲小食設計成同貓相關嘅形狀係貓咪咖啡館嘅特色

貓咪咖啡室係一間以貓做主題嘅咖啡室，佢除咗同普通咖啡室一樣有咖啡同其他飲品零食之外，重會有一啲貓陪住啲客人。除此之外，貓咪咖啡室入面嘅裝飾都往往會有好多同貓有關嘅藝術品，例如牆上面有貓嘅卡通形狀等。

除咗貓咪咖啡室，重有好多以其他動物做主題嘅咖啡室，例如雀等。

詞源

自從2015年8月開始，「Cat café」呢個詞語正式俾《牛津英語辭典》網絡版收錄。

歷史

1998年，世界上第一間貓咪咖啡室--「貓花園」正式喺台灣台北開張。 呢一個新穎嘅主題吸引咗唔少鍾意貓嘅客人，甚至吸引咗唔少嚟自日本同埋其他國外嘅顧客。後來，貓咪咖啡室嘅新興概念傳咗去日本。2004年，日本第一間貓咪咖啡室「貓的時間」（日文：猫の時間）就喺大阪開張。貓咪咖啡室嘅知名度越嚟越多人知道，而且受到好多顧客嘅歡迎。由於日本國土面積較細，人口較多，唔少日本人都居住喺公寓入面，空間非常有限，所以都唔方便養寵物。貓咪咖啡室呢個概念就成為咗唔少鍾意貓嘅年輕人、又可以緩解工作壓力同娛樂嘅地方。2005年，東京第一間貓咪咖啡室「貓之店」（日文：猫の店）開張，隨後日本嘅貓咪咖啡室產業迅速發展。2005年到2010年期間，日本全國就開咗79間貓咪咖啡室。