內地客香港投資移民
(由資本投資者入境計劃跳轉過嚟)
內地客香港投資移民係中國大陸人買香港物業其中之一個目的，去香港投資移民。中國大陸居民為咗得到香港居留權，買入香港資產，再等兩年半，就可以得到批准辦移居香港手續。香港入境事務處統計，內地客香港投資移民由2003年10月接受申請，成功批出個案約有4千幾宗。每個個案最少去香港投資650萬港紙，香港收到280幾億港紙。
2010年10月14號開始，香港政府提高門檻，每個個案最少要喺香港投資1000萬港紙，兼唔包括房地產。
香港政策[編輯]
據香港「資本投資者入境計劃」規定，去香港投資移民，向入境處交申請表前6個月，嚮香港投資最少要650萬蚊。投資資產包括買鋪頭、廠房、住宅單位、股票或債券都得。