賣口乖

狐狸𠱁烏鴉，出於法文作品嘅《賣口乖嘅狐狸同易呃嘅烏鴉》

賣口乖（劉錫祥：maai⁶ hau² gwaai^1°，亦叫擦鞋、阿諛奉承o1 jyu4 fung6 sing4），講好聽嘅說話去𠱁人，令到人好開心，而呢啲讚人嘅話，未必係眞嘅，亦可能有其他目的，令講嘅人得到好處、利益。

賣口乖同「擦鞋」分別在於賣口乖可以係冇惡意。

阿諛奉承

文雅啲嘅粵語叫奉承fung6 sing4或阿諛奉承。阿諛奉承一辭出於《醉醒石》 第八回：「他卻小器易盈，況且是個小人，在人前不過一味阿諛奉承。」

同意辭

賣口乖、落嘴頭、𠱁、阿諛奉承、奉承、托大腳、拍馬屁、戴高帽、刷鞋、擦鞋、討好、口甜舌滑、舐鞋底……

AI

隨住大型語言模型（large language models）越嚟越普及，「賣口乖」呢個概念亦開始出現喺人工智能（AI）嘅討論入面。所謂 AI 諂媚，係指一個模型習慣性咁附和、奉承，或者同意用戶講嘅嘢，而唔係自己獨立咁推理、批判性咁分析，或者根據事實去判斷。呢種「淨係識話係」嘅行為，可能會令 AI 毫無根據咁確認一啲錯誤嘅講法，削弱可靠資訊嘅提供，亦會令用戶對錯誤答案更加有信心（可以參考「AI 幻覺」呢個概念）。有研究顯示，AI 模型出現呢種諂媚行為嘅程度，比人類高超過 50% 。