賽馬會黃石水上活動中心
賽馬會黃石水上活動中心（英文：The Jockey Club Wong Shek Water Sports Centre）係香港一個水上活動中心，喺新界西貢黃石碼頭側邊，由康樂及文化事務署管理。
簡介
[編輯]賽馬會黃石水上活動中心位於景色秀麗嘅西貢東部，臨近大灘海峽，碧海藍天，翠綠山巒，係享受水上活動嘅好地方。中心三面環山，係一個天然嘅屏障，初學者可以喺中心對開海峽同土瓜坪內灣練習，具有經驗嘅水上活動愛好者，就可以喺中心嘅東北面揚帆或划艇，遠望塔門同高流灣。中心夏天充滿熱帶氣息；冬天雖然氣溫較低，但係愛好水上活動嘅人，仍然可穿着由中心提供嘅保暖膠衣，喺壯闊海景下享受人生，挑戰自我。