聖士提反灣水上活動中心

聖士提反灣水上活動中心（英文：St. Stephen's Beach Water Sports Centre）係香港一個水上活動中心，喺香港島赤柱聖士提反灣泳灘側邊，由康樂及文化事務署管理。

簡介

聖士提反灣水上活動中心座落香港島南區嘅赤柱半島。中心面向赤柱灣，對岸係舂坎角半島，係進行水上活動嘅理想地點。赤柱灣面向西南方，喺灣嗰度可以遠望南丫島。喺夏天，當西南風吹得清勁嘅時候，灣內風高浪急，最適宜進行技術較高嘅課程。入秋之後，風向轉為東至東北，灣內嘅海浪較為平靜，令到初學者容易掌握入門技術。