超級傳播者

九龍維景酒店9樓房間SARS傳播情況，綠色係超級傳播者嘅房間，藍色係被感染者嘅房間，紅色係採集到SARS病毒嘅公共區域

超級傳播者（Super-spreader）係一個流行病學術語，指一種傳染性異常強嘅有機體。呢個有機體感染咗一種疾病。喺人類傳播嘅疾病背景下，超級傳播者係比一般感染者更容易感染其他人嘅人。呢種超級傳播者喺流行病學入面尤其令人關注。

典型嘅超級傳播通常符合80/20法則，即大約20％嘅受感染者導致80％嘅傳播個案。

超級傳播事件受多種因素影響，包括族群免疫力、醫院內感染、病毒性、病毒載量、誤診、傳播途徑、免疫抑制同埋多重病原體感染。

著名例子

• 劉劍倫 - 曾經係廣州中山大學附屬第二醫院退休教授，明知自己確診沙士嘅情況下去香港，加上中共隱瞞疫情，令香港沙士疫情爆發，後來亦喺香港死咗。