跳飛機

出自維基百科,自由嘅百科全書
  想搵第二個意思嘅話,請睇跳飛機 (搞清楚)
香港嘅跳飛機

跳飛機英文Hopscotch)係一種細路遊戲,玩家喺地上畫個飛機形狀嘅圖,跟玩法喺上面跳。個圖形通常似雙翼式飛機,所以咁叫。圖形分開好多格(通常有九格),每一格有一個冧巴

跳飛機最早喺羅馬帝國統治時期嘅英國出現,用嚟訓練羅馬,羅馬兵要着晒成套好重嘅盔甲嚟跳,練平衡、步法。之後啲羅馬兵嘅仔仔女女有樣學樣,呢個遊戲傳遍歐洲

跳飛機喺1950年代至1980年代嘅香港相當流行,當時香港幾乎所有兒童遊樂場小學操場都會有跳飛機嘅位。就算空地一塊,只要有一支粉筆樹枝細路響地上畫「跳飛機」嘅九個格,然後一齊玩。隨著香港經濟發展同娛樂方式嘅改變,跳飛機呢個遊戲經已息微喇。

玩法[編輯]

英倫嘅跳飛機,連埋歌仔。

玩法每處地方都有啲分別,下面係香港嘅玩法:

  1. 遊戲通常由第一格開始。
  2. 玩家首先拋一條手鏈(或重嘅)入第一格,然後扐起。
  3. 之後,拋手鏈入第二同三格,然後雙腳跳入第一格,然後順序到手鏈之前嘅一格,執起手鏈。
  4. 第四、五格同第七、八格係一對並排嘅飛機翼。執起喺第六格或第九格嘅手鏈時,雙腳分開企響呢兩格之內。
  5. 到執第九格時,雙腳一齊踩第七第八格之後,要跳起轉身背著第九格,然後伸手摸手鏈,摸倒扐起,跳返起點。
  6. 如果玩家做錯上面嘅程序、掟唔中、拋出界、失去平衡,都算輸。論到下一位玩家,輸咗,再到下一位。返到第一位時,由上次失手嘅地方再開始。

變化[編輯]

跳飛機唔限於飛機形,重有好多唔同款。有格仔形,有蛇形,好多唔同款。

出面網頁[編輯]