《跳飛機》（英文：Hopscotch，1976年9月2號—1982年1月22號）係無綫電視翡翠台播映嘅一個細路電視節目。最初由Sunny哥哥（黃汝燊）主持，之後有商界人士希望Sunny哥哥做細路雜誌《辛尼哥哥》嘅編輯，於是無綫電視炒咗Sunny哥哥，搵咗王愛明接任主持。1982年，《跳飛機》畀同類型細路電視節目《430穿梭機》取代。
呢個節目名取自嗰陣時香港細路最鍾意玩嘅遊戲之一跳飛機。
- 第一代（約莫1976年至1980年）：辛尼哥哥（黃汝燊）、Billy仔、怪獸（嚴秋華）
- 第二代（約莫1980年至1982年）：明明姐姐（王愛明）、造時姐姐（黃造時）、怪獸（嚴秋華）、怪獸仔、蘇菁菁、阿Cat
