載旗航空公司

載旗航空公司源自英文「flag carrier」，狹義上係指一個由某個國家或地區政府指定，單獨或壟斷性代表嗰個國家或地區飛國際航班嘅航空公司。由於伊個航空公司嘅飛機上面，通常（但係唔一定）會塗上被代表國家或地區嘅國旗或區旗，所以叫做「載旗航空公司」。廣義上嘅載旗航空公司，可以指超過一間喺機身上面塗上國旗或區旗嘅航空公司。

有人會將「載旗航空公司」稱為「國家航空公司」，但係伊種叫法係唔正確嘅，因為有啲載旗航空公司已經唔係國營企業，而有啲國家就無嚴格意義上嘅「國家航空公司」。