輸出革命

輸出革命係一個政治術語。主旨係話某啲地方搞革命完咗後，跟著就協助埋其他地方嘅人搞同一性質嘅革命。呢度仲會特指社會主義國家或資本主義國家協助周邊嘅其他地方勢力、透過暴力等手段建立一個極端自由化社會或無產階級專政。中華人民共和國喺1960年代到1979年，試過俾東南亞、拉丁美洲、非洲等地嘅共產黨仲有社會主義政權唔少嘅支援，到咗鄧小平掌權實行改革開放、改善返同美國等國嘅外交關係，中共喺1980年開始停咗畀其他地方共產黨嘅經濟同軍事嘅支援。

輸出嘅理由

喺「文革」時代，毛澤東同佢嗰啲追隨者，話係想藉運動向全世界輸出毛主義意識形態，「發動世界革命」、「打倒帝修反」。嗰時啲理論認為係「世界革命的高潮已經到來」。同原先第三國際嘅做法一樣，嗰時係堅持咗同一個「原理」，即係認為一國唔可能或好難自己一個就搞成到社會主義，仲暗中係祈求咗「世界革命高潮」。

而毛澤東嗰時又想挑戰埋赫魯曉夫、有心帶著中國共產黨取代蘇聯，從而成為共產主義世界嘅領袖。為咗同蘇聯展開直接競爭，中共後邊就積極咁輸出革命。

實際嘅輸出

東南亞

二十世紀世界唔少地方開始咗反帝國主義同殖民主義嘅鬥爭，跟著就到咗第二次世界大戰，其中喺東南亞嘅共產黨掌握到武裝力量，而獲得咗「武裝鬥爭」嘅機會。中國共產黨喺奪取咗大陸政權後，試過一路支援、協助東南亞嘅共產勢力，俾佢哋喺中國大陸設廣播電台，仲有俾錢。東南亞共產黨嗰時候大多有喺北京常駐嘅代表團，佢哋唔少嘅高級幹部同啲仔女，仲有喺中國大陸度受訓或學習。　　

中共對外特務機構嘅實際領導人周恩來，喺1963年9月親口同大馬、印尼等國嘅共產黨話過：「中國是東南亞革命運動的大後方。我們是責無旁貸，義不容辭。我們會以最大的努力來支持東南亞各國的反帝鬥爭。」隨後，由中共主要支持、策劃嘅暴動，就好快擴散到香港、馬來西亞、印尼、星加坡、泰國等地方。　 　

拉美

1972年墨西哥嘅阿爾瓦雷斯總統，突然宣佈咗承認中共政權而建立咗外交關係，冇幾耐政府軍就拉咗墨西哥人民陣線游擊隊啲人，而收押時候游擊隊有人承認過「上個月，佢哋先啱啱到中國接受武器訓練返歸嘅，仲收到咗資金嘅援助」。而2017年同政府和解嘅哥倫比亞解放組織，同印度毛派一樣都係喺過中國受訓。

影響

受到過中共輸出革命嘅影響後，喺斯里蘭卡嘅泰米爾反政府武裝就自命係毛主義，尼泊爾嘅反政府武裝亦被國際輿論稱為「毛主義叛亂」（泰米爾組織有幫助訓練尼泊爾反政府武裝）。

而柬埔寨嘅紅色高棉同秘魯嘅「光輝道路」，就算係較大規模嘅產物，佢哋嘅領導人就係喺1960年代後去到中國，深受文革嘅影響，仲受過中共嘅資助。結果係將社會文明成果當成咗最直接嘅鬥爭對象，對世界產生嘅係災難性嘅影響，對人類社會具有嘅破壞仲有對人性嘅摧殘，係超出咗中國大陸嘅國界。對比返蘇聯1930年代嘅「文化革命」，學者程曉農有研究結論話，喺對待人類共有嘅，仲有本國族特殊嘅文化傳統、文明成就仲有行為規範度，蘇聯同中共係有極大嘅差別。蘇聯嘅文化革命冇否定過成個人類文明同舊俄文化嘅傳統，而中共開搞嘅運動就唔同，係徹底嘅反文明、反文化、反秩序、反人性，係中共自1927年湖南農民運動嚟最有破壞能量嘅大爆發。

睇埋

• 世界革命、革命浪潮
• 顏色革命
• 文革