轉數快
轉數快（英文：FPS），原名快速支付系統（英文：Faster Payment System），係香港嘅小額實時支付平台，全面接通香港大多數銀行同埋儲值支付工具營運商，畀市民喺任何時間即刻搞掂跨銀行同儲值支付工具嘅即時資金轉帳，包括港紙同人民幣。用家收人錢嗰陣唔使畀戶口號碼人哋，只需要畀預先登記咗嘅流動電話號碼或者電郵地址就得。
轉數快由香港金融管理局統籌，由香港銀行同業結算有限公司負責運作。呢個系統喺2018年9月17號正式命名同埋開放登記，9月30號開放轉帳、支付同收款功能。
「轉數快」呢個中文名源自粵語俗語，本嚟意思係讚人精叻醒目，字面亦可以解做「轉數」（轉帳）嘅速度好「快」。
2023年12月，轉數快同泰國嘅PromptPay互聯，轉數快可以掃描PromptPay嘅商戶二維碼畀錢，反之亦然。
參與機構
[編輯]銀行
[編輯]- 中國銀行（香港）
- 交通銀行（香港） / 交通銀行
- 東亞銀行
- 中信銀行（國際）
- 中國建設銀行（亞洲）
- 集友銀行
- 創興銀行
- 花旗銀行（香港） / 花旗銀行
- 大新銀行
- 星展銀行（香港） / 星展銀行
- 恒生銀行
- 香港上海滙豐銀行
- 中國工商銀行（亞洲）
- 南洋商業銀行
- 華僑永亨銀行
- 上海商業銀行
- 渣打銀行（香港）
- 永隆銀行
- 玉山商業銀行（香港）
儲值支付工具營運商
[編輯]事件
[編輯]2018年10月，有騙徒用請人做藉口，呃受害人畀身份證同銀行月結單副本，用嚟冒充受害人開通電子直接付款授權，再經轉數快轉走受害人銀行戶口嘅錢，警方隨即立案調查，而金管局亦已經叫停各參與機構嘅電子直接付款授權服務，直到各參與機構諗到點樣可以避免同類漏洞出現，而家已經塞咗漏洞可以用到電子直接付款授權。