轉數快

出自維基百科,自由嘅百科全書
跳去導覽 跳去搵嘢

轉數快英文FPS),原名快速支付系統英文Faster Payment System),係香港嘅小額實時支付平台,全面接通香港大多數銀行同埋儲值支付工具營運商,畀市民喺任何時間即刻搞掂跨銀行同儲值支付工具嘅即時資金轉帳,包括港紙人民幣。用家收人錢嗰陣唔使畀戶口號碼人哋,只需要畀預先登記咗嘅流動電話號碼或者電郵地址就得。

轉數快由香港金融管理局統籌,由香港銀行同業結算有限公司負責運作。呢個系統喺2018年9月17號正式命名同埋開放登記,9月30號開放轉帳、支付同收款功能。

「轉數快」呢個中文名源自粵語俗語,本嚟意思係讚人精叻醒目,字面亦可以解做「轉數」(轉帳)嘅速度好「快」。

參與機構[編輯]

銀行[編輯]

儲值支付工具營運商[編輯]

事件[編輯]

2018年10月,有騙徒用請人做藉口,呃受害人畀身份證同銀行月結單副本,用嚟冒充受害人開通電子直接付款授權,再經轉數快轉走受害人銀行戶口嘅錢,警方隨即立案調查,而金管局亦已經叫停各參與機構嘅電子直接付款授權服務,直到各參與機構諗到點樣可以避免同類漏洞出現,而家已經塞咗漏洞可以用到電子直接付款授權。

參考[編輯]

出面網頁[編輯]