逸峯

逸峯（英文：Green Code）係香港新界粉嶺馬適路1號一個私人樓同商場住宅項目，由香港小輪同恒基兆業合作發展。

住宅

逸峯一共有4座住宅大廈，每座樓有29層，總共有728個單位，喺2014年第3季落成^[1]^[2]。

逸峯設有住客會所「逸峯薈Club Delight」，有兩層高，面積大約4萬平方呎，設施包括長約38米音樂泳池、宴會廳、兒童遊戲室、瑜伽室、舞蹈室、豪華3D電影院、桑拿室、音樂室、卡拉OK室、閱覽室、網絡空間等。

商場叫逸峯廣場（Green Code Plaza），有兩層高，面積大約12萬平方呎，原本預計喺2015年6月開業，但係最終喺同年12月18號正式開業。

主要商戶有759阿信屋、佳宝超級市場、7-11便利店同薩莉亞意式餐廳等。商場設有行人天橋連接聯和墟市政大廈同其他鄰近建築。

2017年1月21號，洲立影藝旗下MCL粉嶺戲院喺商場地下開幕，設有3個影院，以照顧粉嶺同鄰近新界東地區居民嘅娛樂需要，係北區喺2009年後首間戲院^[3]^[4]。

呢篇逸峯係香港建築嘅楔位文章，重未完成嘅。麻煩你幫手補充佢嘅內容。