鄭昭（1734年4月17號—1782年4月7號），或者叫鄭信，泰文名達信，係暹羅吞武里王朝嘅唯一國王，1767年到1782年在位。當地唐人亦叫佢做鄭王、鄭皇。
達信本嚟係大城王朝嘅將領，佢阿爸鄭鏞係中國潮州移民。1767年，大城王朝畀緬甸貢榜王朝滅咗，佢起兵反抗緬甸嘅侵略，建立吞武里王朝。1782年，披耶訕卡武里發動政變，囚禁住佢。昭披耶卻克里出馬平定政變，藉口佢治國無方，將佢殺咗。
