鄭紀航

鄭紀航係香港男裁判官，依家係觀塘裁判法院署理主任裁判官。

爭議事件

關於鄭紀航嘅爭議，好多都同佢喺香港逃犯條例爭議相關嘅案件，或者涉及香港民主派人士相關嘅案件判決有關。例如，喺處理香港警察入侵理工大學校園事件嘅相關審訊嗰陣，佢就單方面認定，在場嘅人一定係透過身處現場壯大暴動聲勢，又拒絕考慮唔少被告人嘅求情。呢啲判決，有啲被民主派批評，亦有啲之後上訴被推翻。

輕判親中派襲擊長毛一案

喺2020年4月，一個親中派人士以生銹金屬鑿刺傷前立法會議員梁國雄腰間，之後被捕。喺審理案件期間，被告求情時揚言要黃之鋒同許智峯兩個都要死，又聲稱自己無槍唔算暴力。鄭紀航就大讚被告熱愛社會，話對方係因為政見唔同先犯案，只係判被告監禁5個月兩星期。民主派唔少人都對呢個決定好不滿，例如新民主同盟譚凱邦就形容被告根本係企圖謀殺，但係政府就落控比較輕嘅罪名。佢又提及，案情相近嘅何君堯被襲案，反而就要告企圖謀殺，係「選擇性檢控」。

定義管有6英寸長索帶有罪判決被推翻

喺2019年11月，一名地產經紀喺示威場合附近被搜出48條6英寸長嘅索帶，被鄭紀航裁定「管有攻擊性武器或適合作非法用途的工具」罪成，判囚5個半月。被告上訴去到終審法院，結果判決被推翻，終審法院裁定呢個長度嘅索帶唔屬於攻擊性武器，也唔係適合作非法進入嘅工具。