醫院波

醫院波嘅意思即係話，當踢足球嘅時候，一位球員諗住交個波畀隊友，點知嗰個接應嘅隊友身邊其實已經有對方球員接近緊，令到呢個接應嘅球員接呢球接得好狼狽，甚至差啲交失而將個波畀咗對手，或者引到對手球員向接應嘅隊友飛剷，差啲令隊友受傷入醫院；講得簡單啲，就係因為個球員畀個波「到喉唔到肺」，噉呢啲傳球就可以話係畀醫院波。

呢句術語最普遍係喺講波佬嘅口中聽到。