金沙洲碼頭

金沙洲碼頭（簡化字：金沙洲码头；粵拼：gam1 saa1 zau1 maa5 tau4）係廣州一個客運碼頭，喺白雲區金沙洲嘅彩濱中路嘅環洲二路口交界附近嘅北邊冇幾遠嗰度。呢度有過江渡輪可以去到芳村、黃沙同南方大廈嗰邊。呢個碼頭係將來珠江西航道入面，水上巴士航綫嘅營運調度指揮中心。

史

而家睇到嘅金沙洲碼頭係2013年9月份通航嘅第四代碼頭嗰個。其實金沙洲碼頭嘅歷史都有好耐嘅時間喇：

第一代碼頭

傳說喺形成金沙洲之前，呢度好多個地區都係個海嚟嘅，嗰時嘅橫沙村、沙貝村就喺而家地鐵6號綫橫沙站冇幾遠嗰度有個山仔，而兩條村嘅碼頭就喺山嘅隔籬，所以呢個山仔就俾人話咗係「碼頭崗」。按返金沙洲形成嘅歷史嚟推測，第一代碼頭喺宋朝嗰陣出現咗。由於隨住社會嘅進步同地貌嘅變化，而碼頭崗周邊就變嗮陸地，重去到而家嘅白沙河邊都有。就係噉，「碼頭崗」就俾人改成「馬頭崗」嘅名重一直用到而家喇。

第二代碼頭

後嚟金沙洲嘅白沙河邊重出咗橫沙碼頭同沙貝碼頭，嗰時嘅居民就話佢係第二代碼頭喇。一講佢嘅歷史就巴閉囉，佢經過咗元明清三個朝代，喺中華人民共和國成立咗之後到20世紀50年代初，金沙洲邊嘅碼頭同以前係差唔多樣噉，後嚟廣州市輪渡公司喺沙貝碼頭度整咗個機動渡輪往返西村電廠碼頭嗰邊，結果金沙洲嘅大多數村民就成日喺嗰個碼頭去到廣州。就喺呢幾百年嚟，橫沙同沙貝碼頭就幫實嗮金沙洲嘅居民解決出行嘅問題。而呢個碼頭一直去到20世紀80年代先至取消咗。

第三代碼頭

喺20世紀90年代，由於金沙洲嘅第三代碼頭出現咗，加上橫沙村喺度開發房地產同起咗間城西花園響度。為咗吸引啲顧客嚟金沙洲度發展，而開發商就丼咗好多錢嚟發展水上交通，就喺之前橫沙西城紙廠附近同白沙河對面嘅工程度分別整咗個碼頭出嚟，嗰時佢係搞咗機動船嚟運啲乘客出入金沙洲嘅。不過喺2003年，由於金沙洲大橋起好咗重通埋車，呢兩個碼頭就取消咗喇。

第四代碼頭

由於金沙洲地區開發咗，重有好多房地產猛咁嚟金沙洲度發展，而家金沙洲地區從一個好山卡拉嘅村就變咗個新城，人口就越嚟越多。廣州市政府為咗解決居民出行難嘅問題，就決定重新起咗間金沙洲碼頭嚟開通水上巴士去到邊度都得。而呢個碼頭喺2013年9月份起好咗重通埋船。

航綫

上一站　⇐⇐　廣州水上巴士　⇒⇒　下一站
終點	' '{{{Line}}}	終點

附近嘅建築同景點

攷

四代码头横跨千年水路走出人文金沙广州日报 2013-10-14 T2版