金陵臺
金陵臺（粵拼：gam1 ling4 toi4）係中國廣東省廣州市嘅一間有民國歷史特色嘅建築，喺越秀區詩書路入面，隔籬冇幾遠就係廣州市兒童醫院後門。呢間嘢喺1946年起，不過到咗2013年6月份俾開發商拆咗，後嚟喺政府部門介入咗事件之後，就喺2014年初先至重新起返噉嘅建築。
建築特色
[編輯]其實呢間建築喺1946年起，每間屋都有兩層半樓（8.5m）高，而每層樓有大概100幾平方米，入面嘅外牆都係用咗啡紅色嘅意大利批蕩嚟整，佢有好貴重嘅酸枝傢俱，重有地下車庫同水池響度。
產權拗數
[編輯]金陵臺嘅地皮一早喺1994年俾政府收返，之後喺1996年開始搞開發；到咗1998年，原開發商——廣州市南方建設開發公司話唔夠錢先至搞出爛尾工程；一直到2007年，廣州市翠樺置業有限公司通過拍賣先至攞到呢嚿地皮，之後就搞拆遷工作，不過喺拆遷嗰陣搞出嘅賠錢安置問題，一直都喺度拗緊。
強拆
[編輯]
喺2012年5月中旬，金陵臺同埋妙高臺呢兩棟樓究竟喺拆定係留響度，都俾好多街坊關注咗。雖然話呢兩棟樓都喺拆遷範圍入面，但係佢有比較好嘅歷史、科學同藝術價值，而且喺歷史文化街區嘅核心保護範圍入面，先至俾好多本土文化迷同埋狗仔隊關注咗，之後廣州市國土房管局發咗文之後話咪拆住，因為廣州入面得好少喺20世紀40年代起嘅建築響度[1][2]。但係開發商睬都唔睬，當規劃局講啲嘢係無哩頭兼發嗑瘋，卒之喺2013年6月10號深夜到2013年6月11號凌晨將呢間屋拆咗。而呢笪地喺2008年嗰陣係攞咗「建設用地規劃許可證」嘅[3]。後嚟政府同文化專家猛咁鬧呢件事，話開發商係咪拆樓拆懵咗[4]。
重新起返
[編輯]到咗2013年6月底，由於開發商強拆金陵臺之後俾好多人關注咗，搞到廣州一定要變成歷史文化名城先至得。而廣州市政府調查咗呢噉嘢，就話「呢單嘢=證據確鑿+事實清楚+情節惡劣」嘅違法事件，要依法依規嚴肅處理呢單嘢。結果廣州翠樺地產置業有限公司（港資）就俾佢罰，話要賠返佢同違法拆咗嘅民國建築嘅所有相關費用，重要向全社會作出書面檢討。就喺7月10號，翠樺地產先至向廣州市政府交咗書面檢討，話無意傷害咗廣州市民對廣州呢座歷史文化名城嘅感情，重向受害業主道歉，佢重話一定會盡力重新配合政府，起返呢間咁有特色嘅建築[5]。後嚟開發商喺2013年12月27號先至開始重新起過間嘢[6]，一直起到2014年10月先至將間嘢搞返掂出嚟[7]。而廣州大學建築設計研究院教授——湯國華就話：「呢單嘢係個版，就係話清楚啲人冇喺文化資源嗰度諗住搞乜就做乜。因為歷史建築唔係話拆就拆嘅。」
睇埋
[編輯]攷
[編輯]- ↑ 〈金陵台暂缓拆除后续报道：无证工人穿墙拆迁〉。广州日报 A5版。2012-06-10。原著喺2012-06-17歸檔。喺2015-01-05搵到。
- ↑ 〈太陽報2013年6月16日之報道 - 林建岳剷平薛覺先故居〉。原著喺2013年6月19日歸檔。喺2015年1月5日搵到。
{{cite web}}: More than one of|archivedate=、|archive-date=specified (help); More than one of|archiveurl=、|archive-url=specified (help) - ↑ 〈金陵台土地博弈的牺牲品？〉。羊城晚报。2013-06-17。原著喺2016-03-07歸檔。喺2013-06-17搵到。
- ↑ 金陵台被强拆 广州市规划局:绝对是背着我们去拆的 互聯網檔案館嘅歸檔，歸檔日期2013年6月18號，. 人民网（2013年06月14號）
- ↑ 〈广州民国建筑金陵台遭强拆 年底前开始复建〉。中國新聞網。2013-09-16。原著喺2016-03-05歸檔。喺2015-01-05搵到。
- ↑ 〈广州金陵台遭强拆后复建 原15根巨柱消失〉。中國新聞網。2014-07-25。原著喺2014-07-29歸檔。喺2015-01-05搵到。
- ↑ 〈金陵台已完全建好 民国建筑"船头"重现〉。大洋网。2014-10-15。
{{cite news}}: CS1 maint: url-status (link)