銥星

銥星（Iridium）係由圍繞地球總共66個運行緊嘅通訊衞星組成。呢個系統原先計劃由77個通訊衞星環繞地球運行，類似於化學元素銥（77號元素）嘅77個電子圍繞原子核運行，所以用銥來命名。雖然最後經過重新規劃證明66個衛星已經夠，但係據講因為66號元素鏑喺希臘文裏面嘅意思係「難以暗示或難以聯繫」，呢種含意同佢作為一個通訊系統唔相符而冇畀人接受，所以保留住原來嘅「銥星」呢個名。

史

銥星通訊服務由1998年 11月1號開始，由1999年 8月13號宣布破產，進入破產保護。

美國副總統戈爾打出第一個銥星電話。

由於使用率唔高搞到銥衞星計劃有財務困難。使用率唔高嘅原因部份係因為地面上嘅移動電話（例如GSM）系統覆蓋率嘅升高，同越嚟越普遍嘅國際漫遊服務做成好大嘅競爭壓力。雖然銥星提供全球性嘅通訊服務，但係佢太貴嘅通訊費亦都搞到使用率提升唔到。此外同地面嘅手提電話相比衞星手機太重、太貴都整到用起嚟好唔方便。

管理得唔好亦係成個計劃失敗嘅主要原因。

而家狀態

由於美國國防部對通訊嘅需求，所以銥星畀美國國防部廣泛使用緊，家下同國防部有關嘅通訊都系由美國夏威夷美國國防部專用嘅閘道聯絡，而一般商業語音、數據、傳呼通訊就係由亞利桑那州嘅閘道嚟進行。典型嘅銥星使用者包含航海人員、航空人員、政府機關、石化工業、科學家同經常旅行者。目前嘅銥星營運公司宣稱直到2005年 12月31號為止大概有14.2萬個人客，比起2004年12月31號大概多咗24%，2005年營收都比2004年多咗55%。

由普通電話打到衞星手機嘅費用大概系每分鐘3到14緡美金，由銥衞星打到普通電話大概每分鐘1.5緡美金，銥星手機網內互打每分鐘少過1緡美金。銥星同其他衛星電話一樣因為語音壓縮咗，所以好容易畀聽嘅人認出，語音會有明顯延遲。銥衞星嘅通訊速率只有2,400波特每秒，所以語音資料一定要大幅度壓縮。語音編碼採用所謂嘅Advanced Multi-Band Excitation。

睇埋

出面網頁