錫安堂 (廣州)
錫安堂（粵拼：sek6 ngon1 tong4）係中國廣東省廣州市嘅其中一間天主教嘅教堂，喺越秀區人民中路392號嗰邊。北邊靠住廣州市中小學衛生監督所同廣州市婦嬰醫院，南邊靠住廣州市第廿四中學。呢間教堂喺1935年逳手起，一直到1936年2月先至起好。
史
[編輯]喺1901年，有位喺美國嚟嘅華裔——余錫生牧師就返咗嚟中國，佢就想嚟起間教堂，結果佢最先揀咗油欄門（而家係海珠南路嘅鹽亭東街）嗰邊起咗間會址，但係因為會址發生咗火燭，先至搬咗去西濠涌口嗰邊買咗笪地嚟搭棚架，順便重搞禮拜。到咗1913年，間教會搬咗去西濠二馬路，重整咗間群淑高等小學，但係辦咗無耐就冇辦喇，因為西濠二馬路嗰邊變咗商業鬧市。佢係就一於喺1935年，將間教堂搬咗去西瓜園（而家係人民中路392號嗰頭）嗰邊嚟起間教堂重喺1936年2月起好，重改名嗌「錫安堂」。而個名就係「上帝聖殿」噉解。
1947年，錫安堂加入咗中華基督教會廣東協會。到咗1960年之後，中華基督教會嘅萬善堂、七株榕堂，禮賢會嘅大德堂，救世軍嘅西華隊堂同埋基督徒集會嗰邊都一齊合併嗮，去到錫安堂嗰邊搞聯合禮拜。雖然話喺1966年嘅文化大革命，因為破四舊嘅關係先至搞到錫安堂閂咗門，但喺1980年9月21號就重新恢復返宗教活動。而呢間教堂有1間小學同1間幼稚園，重有1間喺基立村嗰邊嘅支堂，而且重出版咗錫安會刊。
附近嘅交通
[編輯]出面網頁
[編輯]- 基督教锡安堂 丁丁網