鍾辿

鍾辿
曹魏 官員
活躍時期	264年
老豆	鍾毓（生父） 鍾會（養父）
遞啲名

鍾辿（辿讀千，粵拼：zung1 cin1；？—？），穎川長社人（而家河南長葛），係三國時曹魏嘅官員，佢係鍾毓嘅親生仔，過繼畀鍾毓細佬鍾會養，佢阿爺係鍾繇。

咸熙元年（264年），鍾會謀反被殺，鍾會嘅三個養仔鍾毅、鍾駿、鍾辿都落獄，本來係要殺頭嘅。司馬昭上表話：「鍾峻佢哋嘅阿爺鍾繇喺魏初三祖時官位最高，幫天子立大功，死後敬奉喺廟廷。佢哋老豆鍾毓喺朝中、地方都做過官，做出好多業績。舊時楚國因爲懷念子文嘅治績，所以唔斷絕斗氏嘅後嗣。而家因爲鍾會、鍾邕嘅罪過，而滅絕鍾繇、鍾毓嘅後人，我於心不忍！所以應該特別原諒鍾駿、鍾辿兄弟，恢復佢哋原先嘅官爵，就只殺鍾毅同鍾邕啦。」於是鍾辿走甩咗死劫。有種講法話，鍾毓曾經秘密同司馬昭講，鍾會性情高竇，會靠自己嘅才學而大膽妄爲，唔可以畀大權佢，所以就噉樣令司馬昭願意保住鍾毓嘅後人。

參攷資料

• 陳壽（著）；裴松之（注）。〈魏書 — 王毌丘諸葛鄧鍾傳：鍾會傳〉. 《《三國志》》。｢會兄子邕，隨會與俱死，會所養兄子毅及駿、辿〈敕連反。〉等下獄，當伏誅。司馬文王表天子下詔曰：『峻等祖父繇，三祖之世，極位台司，佐命立勛，饗食廟庭。父毓，歷職內外，幹事有績。昔楚思子文之治，不滅斗氏之祀。晉錄成宣之忠，用存趙氏之後。以會、邕之罪，而絕繇、毓之類，吾有愍然！駿、辿兄弟特原，有官爵者如故。惟毅及邕息伏法。』或曰，毓曾密啟司馬文王，言會挾術難保，不可專任，故宥駿等云。｣