長楠象
長楠象（泰文：ช้างน้ำ，又叫 วารีกุญชร）係一種東南亞傳說嘅象。
簡介[編輯]
長楠象喺緬甸又叫做葉辛（Ye Thin），棲息喺東南亞嘅叢林溪流。外表同普通嘅大象差唔多，但係體形就得一隻老鼠咁大，而且有條魚尾。雖然體形好細，長楠象好危險。佢哋嘅象牙有毒，足夠毒死一個成年人，甚至只係俾佢拮中腳印或者倒影都會中毒[1]。不過因為長楠象離開水太耐嘅就會死，所以佢哋都成日俾人捉走製成標本。 喺泰國，嗰邊認為如果有一隻長楠象嘅話，就可以發財保平安。而且因為佢哋嘅毒性，就算係大象都會驚咗佢哋，所以當地人仲會帶住長楠象嘅象牙嚟驅趕大象。
現實來源[編輯]
長楠象有可能係當地人作出嚟嘅。佢哋會用一啲蛙類、樹鼩咁樣嘅小型動物製成假嘅長楠象標本嚟賣畀啲遊客。
參考[編輯]
- 博物學家的神秘動物圖鑑，讓·巴普蒂斯 ·特·德·帕納菲厄著，楓樹林出版，ISBN 978-986-5688-96-7