開心鬼放暑假
| 開心鬼放暑假 Happy Ghost II | |
|---|---|
| 資料明細 | |
| 導演 | 高志森、朱日紅 |
| 監製 | 黃百鳴 |
| 製片 | 黎永強、梁柏堅 |
| 編劇 | 高志森、黃百鳴 |
| 主演 | 黃百鳴、袁潔瑩、羅美薇、陳加玲 |
| 配樂作曲 | 林慕德 |
| 主題曲 | 〈開心鬼放暑假〉／開心少女組 |
| 攝影 | 湯寶生、李嘉高、何寶堯、陳漢榮 |
| 剪輯 | 周國忠 |
| 製片商 | 新藝城影業公司 |
| 片長 | 98分鐘 |
| 產地 | .svg){kind=small} 英屬香港 |
| 話 | 粵語 |
| 上畫同發行 | |
| 上畫日期 | 英屬香港：1985年7月18號 臺灣：1985年8月9號 菲律賓達沃：1988年11月15號 |
| 發行商 | 新藝城 (香港) |
| 票房 | HK$16,602,480.00 |
| 前集同續集 | |
| 前集 | 開心鬼 |
| 續集 | 開心鬼撞鬼 |
《開心鬼放暑假》（英文：Happy Ghost II）係1985年上映嘅港產片，係《開心鬼系列》嘅二集。上一集係1984年嘅《開心鬼》。
劇情簡介[編輯]
開心鬼朱錦春因為平生行善積德，因此轉世成康森貴（黃百鳴飾）。康森貴自細就有超能力，但係因為唔識得運用而成日遇到麻煩。聖高貴中學學生戴卓儀（袁潔瑩 飾）、簡靜美（羅美薇 飾）同趙明菜（孫慧 飾）係班裏面卑鄙會嘅骨幹成員，經常率領全班搞惡作劇，喺一個學期之內已經激走咗七個老師。插班生姚瓊（陳加玲 飾）被逼加入卑鄙會。康森貴師範畢業之後，去到聖高貴中學做老師，任教文科同體育。喺第一次體育堂，戴卓儀本來諗住用射籃球嘅技術喺康sir面前威吓，點知康sir憑住更高超嘅射籃技術解圍。成班人都好唔忿氣，於是將惡作劇行動升級，令到康sir受盡苦頭，好彩得小食部鄧伯（鄧寄塵 飾）傳授對策。男校學生潘再安、高帶水、Paul Chan力追卑鄙會四個女仔，但就俾佢哋整蠱。第二日，男生去到聖高貴中學尋仇，康sir唔覺意用超能力打傷佢哋，康sir只好硬住頭皮去男校賠罪，見到男生嘅班主任老老師（珍嘉麗 飾）一見鍾情，發生咗一連串爆笑故事。
演員表[編輯]
- 黃百鳴 飾 朱錦春/開心鬼
- 袁潔瑩 飾 戴卓儀
- 羅美薇 飾 簡靜美
- 陳加玲 飾 姚瓊
- 孫慧 飾 趙明菜
- 珍嘉麗 飾 老老師
- 黃錦燊 飾 大隻佬
- 陳曼娜 飾 校長
- 徐廣林 飾 朱副校
- 鄧寄塵 飾 鄧伯
- 高志森 飾 水運會裁判
- 黎姿 飾 聖高貴中學學生
- 黃江賢 飾 潘再安
- 李傳孝 飾 高帶水
- 梁鴻昌 飾 Paul Chan
經典金句[編輯]
- 撞咗Miss老師嘅書，簡靜美：「Miss執書呀？」，戴卓儀：「執輸行頭，慘過敗家噃。」
- 卑鄙會：「我哋卑鄙會嘅宗旨係：唔卑鄙嘅嘢唔做，越卑鄙嘅嘢越做。」
- 卑鄙會：「舞照跳，馬照跑，功課繼續抄。」
- 戴卓儀頂撞康sir：「你話鑿壁偷光，咁隔離屋咪走晒光？」同學續續話：「咁呢種光梗係春光嘞，春光乍洩，阿sir你好鹹濕呀！」
- 戴卓儀解釋七個老師離開嘅原因：「唔係畀我哋激走，係佢哋意志力薄弱，受唔住潮流嘅衝擊，抵擋唔住時代嘅壓力。」
- 戴卓儀解釋着住溜冰鞋上堂嘅原因：「現代工商業社會講效率講速度，咁樣派簿法有咩唔妥呀？」
- 姚婛：「浪漫係金黃色嘅夏日黃昏，揸架車喺海邊，聽下海浪嘅呼叫，睇下浪花嘅美態，喺海灘上面留下一行行嘅腳印，唉......」
- 卑鄙會：「努力努力，達到目的，食菜咁食！」