閏秒

出自維基百科,自由嘅百科全書
跳去導覽 跳去搵嘢
世界時間,協調世界時間,兩者間差異

閏秒,校正時間措施,校正原子鐘時間,同天文觀測一致。西曆,六月三十號尾,十二月卅一號尾,都有機會加一秒,減一秒。紀時本來就以天文現象定義,自有原子鐘之後,由於佢好準確,就用原子鐘計算時間。然而天文現象並非平均而行,天體運行受好多因素影響,地球自轉會輕微減慢,大地震改變地球重心,咁就同原子鐘計算有輕微之差,個差年年唔同,半年會公佈一次要否校正。為咗實際生活所用時間,同天文現象相合,有必要校正一下。至今都只有加一秒嘅情況,未曾遇上減一秒。

現時一般人所用,都基於協調世界時間,以原子鐘計算,同天文定義嘅世界時間有啲唔同。閏秒用來較正協調世界時間。若果加一秒,廿三點五十九分五十九秒之後,就到廿三點五十九分六十秒,先至到下一日〇點〇分〇秒。減一秒就無咗廿三點五十九分五十九秒,廿三點五十九分五十八秒之後,直跳下一日〇點〇分〇秒。

不過電腦時代,程式一般都無理會閏秒,唔為意會搞到計算出錯,有時後果會好嚴重。尤其東亞地方,閏秒嗰刻喺日間工作時間股市航行等,都有影響。六十秒嘅寫法,亦唔係所有標準都過到。實際有啲方法,如遇加一秒,就將系統時間相對減慢,分擔多咗嘅一秒。閏秒不能預測,故此寫唔能寫死,只能隨公佈防範出錯。故此,有人提議取消閏秒,另立方法。然而各國意見分歧,畢竟要顧及天文校正,二〇一五年決定保留,直至二〇二三年再議。

電腦唔一定只限於協調世界時間,可以改用全球定位系統時間,用萬國原子時間,甚至可以直用世界時間,咁就可以避過閏秒問題。

[編輯]

閏秒繙自英文Leap second