陳南昌
陳南昌（Chan Nam Cheong；1900年—1971年[1]），係香港富商，香港政府曾委任佢做太平紳士。佢主要根據地響深水埗。有份開維他奶[1]，亦開咗香港四邑商會、新會商會[1]，捐過唔少錢起學校。
生平
[編輯]陳南昌1900年出世，係廣東新會人[1]。十幾歲到就跟老頭去澳洲讀建築[1]。1930年代初，佢來香港做外資則樓做助手[1]。
1933年響深水埗買地[1]。1940年，佢同羅桂祥一齊搞維他奶[1]。1941年，又搞起香港四邑商會、新會商會[1]。
慈善
[編輯]陳南昌做過唔少慈善活動。佢長期幫手搞香港兒童安置所同捐錢辦學[1]。所以家下唔少四邑商會名下的中小學校，都有佢個名，當中唔少響佢死咗之後，佢個仔先至用佢個名命名。
1957年，陳南昌重做埋香港足球總會阿頭[1]。佢帶香港足球代表隊去南洋比賽，香港球王姚卓然勝利而歸，佢親自接機重同佢拎行李[1]。
冠名
[編輯]學校
[編輯]- 香港四邑商工總會陳南昌紀念學校
- 香港青少年培育會陳南昌紀念學校，前身係香港兒童安置所，專幫無乜家庭照顧嘅男仔，同提供院護照顧同輔導
- 祖堯邨嘅香港四邑商工總會陳南昌紀念中學
以佢老婆命名
- 保良局陳南昌夫人小學，響彩雲邨。
- 香港四邑商工總會陳黎綉珍紀念學校，響長青邨（執咗）。
地名
[編輯]陳南昌個孫聲稱深水埗南昌街以陳南昌個名命名[1]，南昌街尾附近嘅南昌邨同港鐵南昌站就間接以佢個名命名，但香港史學家何國標反駁指出南昌街命名嗰陣陳南昌只不過係7歲細路哥[2]，所以深水埗南昌街係唔關陳南昌事，而係同深水埗區內其他街一樣用大陸城市街名（例如九江街、桂林街）命名。