陳彥約墓（粵拼：can4 jin6 joek3 mou6）係中國廣東廣州嘅一處墓葬，位置喺黃埔區九龍鎮楓下鶴頭紅近蠏莊地區。而家屬蘿崗區（今日嘅黃埔區北邊）文物。
個墓喺大宋時期起好。1994年重修過一次，後因一直冇人理而淪落成邋遢水同泥氹橫流、雜草叢生之地。後因有人喺2007年整闊蠏莊道路時發現呢個墓而加以保護。2009年8月13號俾蘿崗區人民政府宣佈列為文物。2010年重陽節期間，陳氏卅代傳孫過嚟拜祭祖先時而提出修補同維護工作，直到亞運閉幕後8日先至搞掂。
