陸慷
| 陸慷 | |
|---|---|
 | |
| 出生日 | 1968年5月  （56歲） |
| 出生地 | 江蘇 |
| 國籍 | 中華人民共和國 |
| 母校 | 星加坡國立大學、北京大學 |
| 職業 | 外交官 |
| 政黨 | 中國共產黨 |
[改維基數據] | |
陸慷（簡化字：陆慷，1968年5月14號—）係中華人民共和國駐印度尼西亞大使，做過中華人民共和國外交部北美大洋洲司（下簡稱外交部美大司）司長、中華人民共和國外交部新聞司司長、中華人民共和國外交部發言人，江蘇南京人。
輿論爭議
[編輯]中英聯合聲明失效論被英國政府反駁
[編輯]喺2017年6月30號，當時身為中國外交部發言人嘅陸慷曾經公開表示，《中英聯合聲明》係歷史文件，唔再具有任何現實意義，對中央政府對香港特區嘅管理亦唔具備任何約束力。當時英國外交部就立即回應話《聲明》係有法律約束力嘅條約，至今繼續生效，又強調英國作為聯合簽署國，有責任密切監督《聲明》實施嘅情況[1]。當時社民連主席吳文遠亦喺接受英國《衛報》採訪嘅時候話中國政府嘅講法非常可笑，批評北京唔可以今日簽一個合同，聽日就話合同已成歷史[2]。
孟晚舟案件
[編輯]2020年9月3號，陸慷接受加拿大《環球郵報》就孟晚舟事件專訪嘅時候話，美國同111國簽有雙邊引渡條約，同時美方亦向幾十個其他國政府提出拘押華為首席財務官孟晚舟嘅要求，加拿大係唯一配合美國要求嘅國，又話加拿大政府應該向國民告知事件真相，但就冇攞到任何證據出嚟。加拿大前駐華大使趙樸（Guy St-Jacques）喺接受QUB電台採訪時表示，陸慷嘅發言好有趣，但佢亦警告聽眾要警惕呢個人，又形容陸慷係一個虛假消息專家[3]。
參考
[編輯]- ↑ 李彤茵 (2017-06-30)。〈中國外交部：中英聯合聲明是歷史文件 不具任何現實意義及約束力〉。《香港01》 (香港中文)。喺2021-03-14搵到。
- ↑ 〈觀察：中英聯合聲明「失效」 中共承諾價值幾何？〉。《BBC News 中文》 (繁體中文)。喺2021-03-14搵到。
- ↑ 〈陆慷：只有加拿大配合美国拘押孟晚舟 加前驻华大使：此人是假消息专家〉。《RFI - 法国国际广播电台》 (簡體中文)。2020-09-05。喺2021-03-14搵到。
出面網頁
[編輯]
- 〈陆慷大使简历_中华人民共和国驻印度尼西亚共和国大使馆〉 (簡體中文)。2022-02-22。
- 陸慷嘅Twitter
 |