雙十一三罷

出自維基百科,自由嘅百科全書
Jump to navigation Jump to search

雙十一三罷,又叫紀念日三罷,係2019年11月11號和平紀念日由香港民間人士發起嘅一次反逃犯條例修訂抗議活動,所謂「三罷」即係「罷工」、「罷課」同「罷市」,同時亦喺上晝針對交通搞唔合作運動(主要影響港鐵同一啲主要公路)。呢個嘅行動代號又叫做「黎明行動」,「黎明」除咗代表一天光就行動之外,亦呼應反修例歌曲《願榮光歸香港》嘅歌詞「黎明來到要光復這香港」,之後日子嘅活動亦被歸入「黎明行動」系列。

雙十一三罷嘅規模較上一次八五三罷更大,好多港鐵站同道路都受到影響。成日香港多個地方都出現警民衝突,更頭一次喺平日日間喺中環鬧市發射催淚彈

示威者中槍[編輯]

內文: 西灣河示威者中槍案

嗰日朝早,有警員喺西灣河用實彈射中一位示威者,係成場運動中第二位畀實彈射中嘅人。