雙皮奶

出自維基百科,自由嘅百科全書
Jump to navigation Jump to search
雙皮奶

雙皮奶係一種甜品。產於中國廣東順德,甘香嫩滑,別具一格。相傳雙皮奶係由一位董婆婆喺順德嘅大良1850年代發明。

雙皮奶喺廣東好出名。喺澳門,以義順嘅雙皮奶最為馳名。而喺廣州,就以喺20世紀40年代就開始經營嘅南信甜品店最為知名。喺香港,澳洲牛奶公司係最為馳名。喺順德,就以仁信和民信最著名[1]

製作方法[編輯]

所謂「雙皮奶」,係指奶喺煮嘅過程中製出兩層奶皮。基本嘅做法,係將水牛奶放入食具中炖滾後倒入細度,等佢冷卻凝固成奶皮,再輕手倒出牛奶,留低奶皮。之後再將倒出來嘅牛奶再作處理,然後倒返落裝有奶皮嘅碗度。其中一種做法,會將再煮嘅奶倒喺奶皮之上,畀兩者溝埋一齊。另一種做法,係將奶倒喺奶皮之下。

另將鮮奶加白糖攪勻後用篩濾去雜物,將調好奶蛋白嘅(亦有用蛋黃嘅)鮮奶倒入,用細碟仔冚好,以防蒸汽滴落面上影響質量,隔水炖15分鐘就得。雙皮奶嘅特殊食法有加上紅豆蓮子等等。喺屋企整嘅雙皮奶無鋪頭整嘅爽滑,原因可能係店鋪嘅雙皮奶加入咗食用膠。

參考[編輯]