電子遊戲公會

喺打機用語當中，公會（clan、guild、同 community 等）指喺一啲大型嘅網上遊戲裏面由玩家組成嘅組織。公會成員會定時定候一齊玩，會一定程度上相熟，不過多數唔會喺現實世界接觸；好多網上遊戲都有內置公會嘅機制，俾玩家喺遊戲內組公會。公會好多時收成員係有條件嘅，但喺好多遊戲裏面，成功加入咗公會會得到唔少優惠，例如係可以用平啲嘅價錢買嘢、賺起經驗值上嚟賺得快啲、同可以用公會專用嘅地圖同倉庫。公會之間可以彼此競爭，甚至有一個公會向第個公會「宣戰」。