露點計

手持天氣測量計內含露點計

天氣站亦包埋露點計

露點計，測量儀器一種，測水分，又或測濕度同溫度以計出露點。亦可謂濕度計一種。

計有幾種，各有用處。

冷鏡露點計，夠晒精準，溫度至闊。佢如同露原理一樣，凍空氣到有露。佢用光射落鏡睇反射率，鏡面一有露反射率就變低，得出露點。然而佢怕污糟，鏡面有塵有油等等都唔得。貴又要時常清理。要好精準先要用。

氧化金屬露點計，即電容氧化金屬感應器，啱好凍好凍，算準。構造款式多，原理都一樣。佢有三層，下層電極，中層測濕氧化金屬，上層透氣電極。中層會吸收水汽，而電容量跟住變，就可以計算出露點。呢層怕好濕凝水，易壞。要間中返廠較正。

聚合體露點計，即電容聚合體感塵器，個溫度夠闊算準。原理同氣化金屬似，明顯中層換成聚合體，而底層之下加至底層電阻感應器。咁耐用啲，亦無咁怕污糟同水凝。

另外重有，氯化鋰露點計，含氯化鋰。