黃瓜

唔好同黃瓜菜搞亂。

黃瓜

喺街市入面買到嘅黃瓜

黃瓜嘅花

瀕危指標

最唔使理（Least Concern） (LC)

物種分類

界	植物界 Plantae
門(Divisio):	被子植物門 Magnoliophyta
綱	雙子葉植物綱 Magnoliopsida
目	葫蘆目 Cucurbitales
科	葫蘆科 Cucurbitaceae
屬	蜜瓜屬 Cucumis
種	黃瓜 C. sativus

二元學名

Cucumis sativus
L.

黃瓜（粵拼：wong4 gwaa1；學名：Cucumis sativus），又叫青瓜（注意「青」字嘅讀音，ceng1 gwaa1），係葫蘆科蜜瓜屬嘅一年生草本藤木植物，原產地喺印度，而家喺全世界都可以搵到。

史[編輯]

黃瓜係起源於印度，已經種咗超過三千年。後來黃瓜由印度，廣泛傳播到古希臘、古羅馬以及中國。中世紀時黃瓜喺歐洲被普遍種植，到十四世紀重俾西班牙人帶到美洲。

中國最早有黃瓜嘅記載係喺西漢，由張騫由西域帶返中原，嗰時叫「胡瓜」。

樣[編輯]

黃瓜嘅莖上面有好多毛，入面好多汁；葉嘅外觀有3~5枚裂片，有絨毛覆蓋住；花色一般係黃色，公乸唔同樹兼唔同花，花冠好似個鐘噉，朝早開，晚黑閂埋，其中花乸識結果。果好似啲棍或圓筒噉，但好容易彎曲同畸形，表面有刺毛。

用途[編輯]

黃瓜有好多用途。因為佢有可以抑制糖類轉成脂肪嘅物質，可以畀啲有肥胖傾向嘅人減肥。通常黃瓜都係用嚟做配菜，好似西菜都係用嚟做沙律。而中菜通常都係用嚟做炸醬麵，而熟咗嘅瓜（叫做「老黃瓜」）重會攞嚟煲湯。另外，黃瓜重有好多生物活性酶，可以促進肌體代謝。所以鬼佬地區好多地方都有用黃瓜嚟做化妝品。重有，黃瓜重可以做冇毒嘅驅曱甴藥同做藥用植物都得。