青龍頭

青龍頭係香港新界嘅西南岸，響荃灣同屯門兩個新市鎮之間。青龍頭西面係大欖，東面係深井。

青龍頭一覽

青龍頭有兩條村，青龍頭村同圓墩村，沿涌而建。涌口附近係海角青龍頭，西面對出有沙灘，亦有碼頭，以前係有街渡去馬灣同陰澳。頭東面叫青龍灣，亦都係沙灘，由另一條涌整成，不過佢2006年要擴闊青山公路填咗。

兩條村西面係有幾個私人屋邨，豪景花園、帝華軒、龍騰閣、傲庭峰。而青龍灣附近有浪翠園，條涌中游有大宅龍圃花園，曾經係好多名片嘅取景地。

青龍頭同深井之間斷斷續續有啲住宅。而青山公路就係呢度通去屯門同荃灣主要道路。後山雖然有條更大嘅屯門公路經過，不過上面無路落來。