頂好大光麵

頂好大光麵係香港即食麵牌子，由金源食品喺1960年代尾創立^[1]，主要供貨畀茶餐廳等等嘅食肆。所謂「光麵」係指得個麪餅而無味粉同獨立包裝。

而家頂好大光麵一箱36個麪餅，只賣畀食肆而唔賣畀散客，但金源食品有出類似嘅家用版「頂好光身麵」，一袋裝住六個麪餅。

頂好大光麵喺2024年接受ViuTV節目《茶餐廳》訪問，透露喺香港茶餐廳嘅市佔率由1970到1980年代大約八成，縮減到而家得返大約兩成，原因係1990年代開始畀平價大陸即食麵蠶食市場，引起社會關注，希望可以珍惜香港製造嘅品牌^[2]。