颮線

颮線係一種天氣系統，係一啲帶狀雷暴雲構成嘅一啲中至小尺度嘅強對流天氣，通常跟住冷鋒出現。颮線嘅產生通常係因為冷空氣推進到暖濕地區嘅時候被迫抬升，形成上冷下暖嘅格局，令到對流層上面同下面嘅熱力結構唔同，於是產生高強度嘅強對流天氣。

颮線嘅破壞力可以好大，例如喺 2019 年 4 月，有一道好強嘅颮線由廣東內陸南下到香港，香港天文台嘅京士柏氣象站喺嗰日下晝曾經錄到時速 117 公里嘅陣風，相當於 9 號烈風或暴風風力增強信號同 10 號颶風信號擲界嘅風力；而天文台係嗰日亦錄到 43.6 毫米嘅雨量，對於香港 4 月嘅單日降雨量嚟講係相當高嘅。