冷鋒

冷鋒嘅符號

冷鋒（粵拼：laang5 fung1）係氣象學入面——鋒面嘅一種。原理由冷氣團主動向暖氣團推進，取代咗暖氣團原有位置而形成。由於冷氣團密度大，暖氣團密度小，所以冷暖氣團撞埋一齊時，冷氣團會直插暖氣團下邊，令暖氣團逼住上升，過程空氣重出現冷卻現象。一般會形成降温、大風，如果暖氣團入面有好多水蒸氣，就會形成降水、雷陣雨或冰雹天氣；否則凈會形成多雲天氣。

天文台畫天氣圖時，一般將冷鋒畫成帶有好多三角形嘅白或藍線條樣。

出現時段

冷鋒嘅天氣現象

地球上唔同地方，出現嘅冷鋒時間同形成時間都唔一樣。

位置		出現時間	註
北半球	高緯度	一年四季都有
	中緯度	每年9月中到第二年4月底	最早喺8月底殺到，最遲喺第二年6月初收波，但亦出現過好少見嘅7月冷鋒。
	低緯度		最頂籠去到北緯20°（北半球）或南緯20°（南半球），除非嗰條冷鋒同佢之後嘅冬季季候風有極高嘅氣壓同風力，冷鋒先會去到北緯10°（北半球）或南緯10°（南半球）地區，而極高氣壓同風力嘅冬季季候風最頂籠可以影響到北緯5°（北半球）或南緯5°（南半球）。
南半球	低緯度	每年3月中到當年10月底
	中緯度		最早喺2月底殺到，最遲喺當年11月初收波，但未出現過好少見嘅1月冷鋒。
	高緯度	一年四季都有

過境順序

冷鋒過境通常會出現以下情況：

天氣性質	過境之前	過境嗰時	過境之後
温度	暖	出現驟降跡象	凍
大氣壓	極速下降	降到最低後直接極速反彈	上升
風	（北半球）從東北吹向西南 （南半球）從東南吹向西北	陣風轉移	（北半球）從北吹向西，多數係西北風。 （南半球）從南吹向東，多數係東南風。
降水	層積雲到卷雲喺暖空氣層面下，形成好多水蒸氣。夏天重因為出現颮線而有時出現雷暴跡象。	出現長時間落雨或雪（亂層雲）、雷陣雨或雷陣雪（積雨雲）嘅天氣。	落雨兼空氣清新
雲	成日出現卷雲，個樣有啲似暖鋒，而且成日出現。佢同積雲一齊，喺暖鋒嚟之前都唔會走。而大嚿積雲通常喺高空積雲嘅下邊大過暖鋒，而且好多積雲都會喺鋒面產生降水天氣。	積雨雲同濃積雲好多時喺大片高積雲上邊形成，所以有時會睇到太陽出嚟。好少喺有亂層雲情況下出現繼發性驟雨。	高積雲或層積雲同卷雲一齊，喺散積雲同部分積雨雲嚟之前，行得重快過碎層雲。
可見性	收埋喺濃霧入面，勉強睇得到佢。	雖然清咗啲，但重係好矇。	除咗落雨或落雪天時之外，其它情況好清。
水珠位	高而平穩	突然之間跌落。	跌嗮落嚟
天氣	多雲／陰天	陰天／落雨／落雪／落冰／行雷	晴天／少雲

總而言之，冷鋒過境時嘅大體規律係鋒後有降水。

睇埋

• 鋒面

連出去

• 冷鋒來臨前後期間，氣壓和氣溫的變化相關性及冷鋒來襲頻率增加對氣壓和氣溫變化影響探究 中央氣象局
• 冷鋒 教育大市集
• 冷鋒天氣特徵 LAIN!!探究式學習網站