閃電

出自維基百科,自由嘅百科全書
幾條閃電
行雷天時嘅閃電光

閃電粵拼sim2 din6),廣府話舊時叫霅爧(讀「攝嶺」[1]sip3 leng5),係大氣電荷就放出來嘅自然現象,通常係暴風雨時見到,亦會響火山爆發或者沙塵風暴度出現[2]。大氣放電會好高溫,落到地可以將玻璃,天空亦會熱到有閃光[2]

一般情況下,行雷天氣時先睇到閃電發光,再聽到行雷

發現史[編輯]

喺發現雷電原理之前,古代中國嗰邊因民眾成日迷信,以為天上有雷公電母之神,重用咗「雷劈孽種」嘅古仔嚟警告啲唔聽話嘅人[3]

直到1752年6月10號,美國科學家班哲文富蘭克林荷蘭利登嘅一個油庫入面,由於嗰日行雷,佢冒住生命危險將隻帶鐵絲尖嘅絲綢紙鷂放咗上天,結果引咗雷落地面,從而解開咗千百年嚟嘅雷電之謎[4]。原嚟天上嘅雷電同平時嘅摩擦出靜電係同一件事。

原理[編輯]

閃電嘅慢鏡演示

喺夏天比較熱嘅中午或挨晚,由於地面嘅熱空氣帶住大量水汽唔停噉升到上天,形成好大嚿積雨雲。由於積雨雲好多部位聚集咗正負兩種電荷,嗰時地面因受到近地面積雨雲入面嘅電荷感應,都帶咗同雲底唔一樣嘅電荷。雖然唔同電荷會相互吸引,但空氣嘅導電性能比較差,佢阻住正負兩種電荷嘅匯合,從而導致雲層入面嘅電荷積得越多時,達到一定強度之後,會撞穿阻住正負兩種電荷嘅匯合嘅空氣,夾硬整出條比較窄嘅通道而匯合。由於雲入面嘅電流好犀利,所以通道入面啲空氣燒到熱辣辣噉,溫度重高過太陽成幾倍,所以會出好劖眼嘅白光而形成閃電。而雷聲係因為通道入面啲空氣同雲滴遇到熱而突然漲大,從而爆出好大嘅「lung4」(國際音標似[bœ̃ːm]音)聲。

雷暴天時發出嘅雷聲

而雷電同閃電之所以係同一事物,係因為兩者喺雲層係同時發出,但閃電係光,雷電係聲,由於光速快過音速,所以行雷天氣時,先睇到閃電發光,再聽到行雷

利與弊[編輯]

閃電識得擗到地面

閃電識得擗落地面,重可以將成間屋拆咗[5]或引致山林大火[6]、甚至殺人[7][8][9]、劏家禽同埋牲畜、整冧電力設施或電力線路造成大面積停電[10]、飛行事故[11],整爆電氣裝置都得。

喺仲夏嘅雷雨天時,好多時都有雨落,可以畀農作物提供足夠嘅水份[12];重可以将大氣出現嘅灰塵煙霧刷到一乾二淨[13];甚至可以將空氣嘅N2O2直接化合,從而形成NO,最後通過空氣嘅O2而繼續形成NO2,隨住雨水滲入泥土,從而變成硝酸鹽。硝酸鹽可以做肥料。

種類[編輯]

閃電喺形狀可以分成5種;危害角度可以分成3種;帶電性質可以分成2種;生、機理可以分成3種等其它分類……

按形狀分[編輯]

線形閃電(枝形閃電)

佢係閃電系列當中,最常見嘅品種。一般出一條好曲嘅折線,行到半佬開始有分支,而且條線越嚟越幼,行到有避雷針或地面之後,出現一條快速兼突進嘅閃爍白光。

帶狀閃電

按危害角度嚟分[編輯]

直擊雷

直擊雷一般喺雲層入面放電,可以直接劈入或劈冧建築。佢可以細分成雲閃同地閃,其中雲閃得晴天霹靂一種,而地閃有上行雷同下行雷兩種。

感應雷

感應雷係先通過靜電感應,再通過電磁感應而放電,佢識得破壞室內嘅電器設備。

球形雷

球形雷通常行蹤好古怪且威力好犀利,佢既識得鑽窿鑽罅,又識得鑽入電器設備後發生爆炸,令設備損壞。但得好少機會發生。

按帶電性質嚟分[編輯]

正閃電
負閃電

按生、機理嚟分[編輯]

熱雷
界雷
低氣壓性雷

其它分類[編輯]

俗語[編輯]

喺廣東嘅廣州、佛山同中山地區,有句「東風雨怕西風,西風雨怕雷公」同埋「雷公先唱歌,有雨落唔多。」、「先雷後雨唔濕鞋,先雨後雷水浸街。」嘅俗語嚟形容行雷天氣[14]

有關嘅書[編輯]

[編輯]

  1. 《粵講粵過癮》之「行雷霅爧」,2009年7月9號
  2. 2.0 2.1 NGDC - NOAA. "Volcanic Lightning". National Geophysical Data Center - NOAA. {{cite web}}: Unknown parameter |accessmonthday= ignored (help); Unknown parameter |accessyear= ignored (|access-date= suggested) (help)
  3. 雷公電母 互聯網檔案館歸檔,歸檔日期2016年8月20號,. 道教文化資料庫
  4. 1752 Franklin flies kite during thunderstorm This Day in History
  5. 世界各国都深受雷电灾害之苦 互聯網檔案館歸檔,歸檔日期2014年4月28號,. 中华人民共和国公安部
  6. 雷击致森林大火 中国天气网
  7. 印度雷电天气频发 电闪雷鸣32人被击中身亡(图) 中國新聞網 (2013-10-17)
  8. 骑车少女被闪电击中身亡[失咗效嘅鏈] 安徽日報农村版 (2015-08-04 13版)
  9. World: Africa - Lightning kills football team BBC NEWS (1998-10-28)
  10. YouTube上面嘅Strikes High Voltage Lines in Ocean City NJ July 15, 2010 嘅影片
  11. Lightning Strikes Airplane Midflight; Why No Damage? abc NEWS (2011-05-12)
  12. 重视降水对农作物的影响 互聯網檔案館歸檔,歸檔日期2013年4月29號,. 中国百科网
  13. 冬天靠风,夏天盼雨?夏季雾霾十问 互聯網檔案館歸檔,歸檔日期2020年3月28號,. 广州市环境保护局
  14. 谚语(三水各地) 互聯網檔案館歸檔,歸檔日期2020年9月24號,. 三水非物質文化遗产

出面網頁[編輯]