飛機場

出自維基百科,自由嘅百科全書
跳去導覽 跳去搵嘢
機場同埋機場控制塔

飛機場,係一笪平地,畀飛機起飛同埋降落。飛機有好多種,例如直升機戰鬥機貨機民航客機,機場設施要求都唔同。直升機唔使跑道,而空中巴士 A380之類嘅大客機要特大跑道。民航機場要有客運大樓

[編輯]

最早嘅飛機升降地點係草地,一般係圓形草坪,飛機可以喺任何角度,順住有利嘅風向進行升降,周圍會有一個風向儀同埋機庫(因為當時嘅飛機一般係用木同埋帆布製成,唔抵得風吹雨打,日曬雨淋)。之後開始使用土質場地域,避免草坪增加嘅阻力,然而,土質場地並唔適合潮濕氣候,唔係嘅話草地會泥濘不堪。隨住飛機重量增加,升降要求亦跟住提高,混凝土跑道開始出現,任何天氣、任何時間都啱用。

世界上最老嘅機場目前仍有爭議,但1909年成立、喺美國馬利蘭州嘅大學園區機場(College Park Airport)普遍被認為係世界上最老而又持續經營嘅機場,雖然佢只係一個小型機場。

另一個被稱為係世界上歷史最悠久嘅機場,係位在美國亞利桑納州嘅比斯比-道格拉斯國際機場(Bisbee-Douglas International Airport),呢個機場停放住美國史上第一架飛機。1908年,道格拉斯航空俱樂部成立,滑翔機亦都隨之成立。嗰時嘅滑翔機係由兩隻馬拉動,飛過道格拉斯青年會大樓後方。1909年,飛機開始裝有電動機同埋螺旋槳,亞利桑那州於是就成為首架動力飛行嘅飛機嘅區域。呢個機場係美國第一座國際機場嘅地位經由美國總統富蘭克林·德拉諾·羅斯福喺1943年嘅一封信證實,羅斯福喺信入面宣佈佢係「美國嘅第一座國際機場」。

1922年,第一個畀民航業使用嘅永久機場同埋客運大樓出現喺德國柯尼斯堡,呢個時代嘅機場開始用水泥鋪設嘅停機坪,允許夜間飛行同埋比較重嘅飛機降落。1920年代後期,出現第一個使用照明設施嘅機場,1930年代進場下滑照明設備開始使用,因此飛機升降嘅方向同埋角度開始有固定嘅規定。國際民間航空組織標準化咗照明嘅顏色同埋閃光時間間隔。1940年代,坡度線進場系統開始使用,系統包括兩排燈光,形成一個漏斗狀圖案,標示飛機喺機場滑翔坡嘅位置,其他燈光就表示唔正確嘅進場高度同埋方向。

第二次世界大戰期間對機場數目嘅需求大增,盟軍利用有孔鋼板鋪設臨時跑道組成一個個戰地機場,主要畀戰鬥機或輕型聯絡機使用。太平洋戰爭期間,有唔少戰爭係同機場爭奪有關,最出名嘅有亨得森機場(而家霍尼亞拉國際機場)。

二次大戰之後,機場嘅設計越嚟越複雜,客運大樓聚集埋一齊,而跑道聚集喺另一處,咁嘅安排可以方便機場設施擴展,但亦都意味住乘客上機前需要行較長嘅距離。之後,機場所鋪設嘅混凝土開始有導水溝槽,同飛機降落嘅角度垂直,有助排水,避免影響到飛機升降。

1960年代之後,機場嘅建設隨住噴氣式飛機嘅增加蓬勃發展,跑道延伸至3,000公尺長,利用滑模機興建連續性嘅強化混凝土跑道。1960年代初,現代化嘅機場客運大樓開始使用登機橋系統,乘客唔需要行出室外登機。但係噴射引擎帶來嚴重嘅噪音問題,令唔少機場需要搬離市中心。