香港加油
 | 呢篇文側重咗喺部分見解、事件或爭議。 |
香港加油，或者叫香港人加油，係一句同香港（同埋香港人）打氣嘅說話，本嚟無任何政治含意，但因為2019年反修例運動被廣泛使用，自此被當權者睇成一句禁語。
「香港加油」雙向字
[編輯]2019年6月爆發反修例運動嗰陣，有位叫「馬賽」嘅臺灣設計師設計咗個「香港加油」嘅雙向字，由一個方向睇係「香港」，轉90度就會睇到係「加油」[1]。
相關事件
[編輯]2021年渣打香港馬拉松禁用爭議
[編輯]2021年渣打香港馬拉松係香港國家安全法實施後頭一個大型體育賽事。事前記者會入面，籌備委員會主席高威林曾表話過跑手衫上面有「香港加油」字眼無問題，不過兩日後就話「唔應該加入政治元素或口號」，暗示「香港加油」係句「政治口號」[2]。結果賽事嗰日，有跑手著住寫有「香港加油」嘅衫，被要求換衫先至可以繼續參賽[3]，亦有跑手因為隻腳有「香港加油」嘅紋身而需要用膠布遮住[4]。
睇埋
[編輯]參考
[編輯]- ↑ 〈【訪問】設計師創作「香港加油」雙向字！寄語：珍愛生長地的朋友都加油〉。e-zone。2019-06-13。喺2021-10-26搵到。
- ↑ 吳慕兒 (2021-10-21)。〈渣馬2021︱大會：跑手須絕對守法 香港加油兩日內無問題變有問題〉。《香港01》。喺2021-10-26搵到。
- ↑ 〈有跑手穿寫「香港加油」衣物 被要求更換才可繼續參賽〉。《香港電台》。2021-10-24。喺2021-10-26搵到。
- ↑ 陶嘉心 (2021-10-24)。〈渣打馬拉松｜嚴打「香港加油」服飾 跑手需換衫 膠布遮紋身〉。《香港01》。喺2021-10-26搵到。