香港單車徑

香港單車徑主要出現喺新界，原因係規劃新市鎮嘅時候已經連帶規劃同起埋單車徑設施，希望大衆可以唔好揸咁多私家車。其中沙田區嘅單車徑網絡係最完善，至於香港島同九龍就因問題，所以規劃嘅時候無考慮單車作爲運輸工具。香港單車徑有兩種，分別係日常所見嘅一般單車徑，同埋越野單車徑。

一般單車徑[編輯]

呢種單車徑由運輸處去管轄，有細分為主幹綫Major Cycle Track（紅色地面）同埋地區幹綫Local Cycle Track（綠色地面）。

主幹線（紅色地面）[編輯]

貫穿新界嘅新市鎮，由沙田區嘅顯徑，經過大埔北區同埋元朗，去到屯門區嘅三聖。而設計目標係去到荃灣區嘅海濱花園。同時，有三條支線係連接馬鞍山、大美督、天水圍同埋大冷水。


主幹線（紅色）
區份	主要地點	公里	備注
沙田區	顯徑↔大圍↔（主綫/支綫）↔馬料水↔白石角↔接駁大埔區主綫：大圍↔沙田公園↔沙田馬場↔馬料水支綫：大圍↔車公廟↔圓洲角↔石門↔馬料水		起點
大埔區	接駁沙田區↔大埔滘↔元洲仔↔（主綫/支綫）主綫：元洲仔↔大埔中心（林村河）↔太和↔三渡坑↔康樂園↔九龍坑↔接駁北區支綫：元洲仔↔汀角路↔大美督
北區	接駁大埔區 ↔ 塘坑 ↔ 安樂村工業邨 ↔ 靈山 ↔ 北區運動場 ↔ 上水鄉 ↔ 上水工業邨 ↔ 塱原 ↔ 河上鄉 ↔ 古洞↔ 白石凹↔接駁元朗區
元朗區	接駁北區 ↔新田 ↔ 米埔↔ 牛潭尾 ↔ 壆圍 ↔ 錦綉花園 ↔ 凹頭 ↔ 雞地 ↔ 元朗工業邨 ↔ 橫洲 ↔ （主綫／支綫）主綫：橫洲↔水邊圍↔青山公路（屏山、洪水橋）↔接駁屯門區支綫：橫洲↔天慈↔天盛↔洪天路（往青山公路接駁主綫）/樂湖↔天恆↔濕地公園		新田至牛潭尾段已經喺2020年9月29號開放
屯門區	接駁元朗區↔藍地↔兆康↔屯門（屯門河）↔龍門居↔湖山↔（主綫/支綫）主綫：湖山↔三聖支綫：湖山↔蝴蝶灣		三聖係而家大圍去屯門單車徑嘅終點
屯門-荃灣段	三聖、咖啡灣、掃管笏、小欖、青龍頭、深井、汀九、油柑頭		計劃緊
荃灣區	柴灣角（麗城花園）、荃灣公園		柴灣角至荃灣西站一段開放咗，荃灣西站至荃灣公園仍然起緊
南區	鋼綫灣（數碼港）		唯一一條唔喺新界嘅單車徑，全長800米

地區幹線（綠色地面）[編輯]

喺新市鎮規劃入面，用來畀居民作為日常生活嘅接駁所用，連接住新市鎮區內嘅唔同部分。


主幹線（綠色）
地區	支綫前往地	備注
沙田區	美田、新翠、小瀝源、沙角、火炭、馬鞍山
大埔區	林村、大埔海濱、運頭塘、富善、白石角、西沙路
北區	粉嶺南、沙頭角公路、馬會道、皇后山（龍馬路）
元朗區	天水圍區内、洪水橋、唐人新村、工業村、凹頭、錦田、錦壆路
屯門區	龍鼓灘、碼頭、山景、良田、嶺南、欣田、54區	54區段起緊
西貢區	將軍澳（寶林、坑口、將軍澳、調景嶺、將軍澳南同埋環保大道一段）
油尖旺區	西九文化區	由西九文化區管轄

越野單車徑[編輯]

呢種單車徑由漁農自然護理署管轄，而喺郊野公園有十五條指定嘅越野單車徑，畀人踩越野單車去活動。

釣魚翁越野單車徑（星期日同公眾假期唔畀用）
芝麻灣越野單車徑
梅窩至貝澳越野單車徑
貝澳至狗嶺涌越野單車徑
海下至灣仔越野單車徑
龍脊越野單車徑（星期日同公眾假期唔畀用）
河背越野單車徑
小欖越野單車徑
大欖涌水塘越野單車徑
大棠越野單車徑
田夫仔越野單車徑
田夫仔北越野單車徑
清快塘越野單車徑
青龍頭越野單車徑
荃錦越野單車徑

匯合中心[編輯]

而家總共有五個專門為單車而起嘅匯合中心，入面有廁所，同埋單車練習場呢啲設施。

上水
大學站
元朗
天水圍
屯門

單車公園[編輯]

由康文署管理、有單車徑嘅公園。

鰂魚涌公園
小西灣道花園
摩理臣山道遊樂場
九龍灣公園
功樂道遊樂場
蒲崗村道單車公園
賈炳達道公園
沙田交通安全公園
小瀝源路遊樂場
馬鞍山公園
荃灣公園
屯門公園
湖山遊樂場
青衣東北公園
青鴻路遊樂場
天秀路公園

出面網頁[編輯]