香港基督少年軍
香港基督少年軍（英文：The Boys' Brigade, Hong Kong，縮寫：BBHK, 基軍）係香港一個基督教制服團體，香港區會喺1962年成立，以基督少年軍嘅宗旨同格言為基礎，致力培育3至21歲嘅兒童同青少年。透過基督教教育同領袖培訓，栽培青少年自細建立正面思想同良好品格，以整全訓練栽培隊員建立僕人領袖嘅心志，期望能夠各展所長，共建充滿活力、和諧友愛嘅社會。除咗制服團隊服務之外，亦會提供專業培訓、品格教育、社會工作、環保回收(以前)、內地社工督導服務等。
宗旨[編輯]
於青少年人之間，擴展基督嘅國度，同時促進服從、虔誠、紀律、自愛等良好行為，以達成基督化嘅人格。
使命[編輯]
- 以基督教教育為理念，幫助青少年建立良好嘅價值觀同品格。
- 發掘領袖潛能，培訓青少年成為教會同社會上嘅領袖，訓練服侍青少年嘅生命良師。
- 藉住制服團隊嘅訓練模式，致力全面發展青少年嘅成長。
- 帶領青少年認識同接受耶穌基督，讓基督成為佢哋生命嘅主人。
核心價值[編輯]
- 基督為首：以青少年宣教運動為目標，裝備青少年人成為基督精兵。
- 青年為本：持守重點服務兒童同青少年，並關顧佢哋嘅重要影響系統，例如：家庭、學校。
- 專注品格：以基督教信仰教導為基礎，以鍛鍊青少年各種技能為教導平台，進行品格教育。
制服團隊[編輯]
年滿3歲或以上嘅細路同青少年，男女都可以參加。
- 小綿羊（3-5歲或幼稚園學童）
- 幼級組（5-8歲或幼高至小三）
- 初級組（8-12歲或小四至小六）
- 中級組（11-18歲或中學學生）
- 高級組（16-21歲或中四以上學生）
- 融合組（適合有特別需要人士）
- 導師（18歲或以上）
- 家長義工小組
