香港交通安全隊

出自維基百科,自由嘅百科全書
香港交通安全隊
宣言謹慎禮讓
創立時間1963年
性質香港青少年制服團體
總部香港交通安全隊總部
位於香港香港島掃桿埔大球場徑2號
成員14,000+
總監廖啟明 醫生 MH ,SBStJ
網站www.rsa.org.hk

香港交通安全隊英文Hong Kong Road Safety Patrol)係香港交通安全會轄下嘅一個義工服務組織,成立嘅目的係透過教育層面向青少年隊員灌輸交通安全嘅基本常識,令佢哋清楚了解使用道路嘅時候應該持有嘅正確態度,令交通安全常識得以廣泛宣傳。

簡介[編輯]

香港交通安全隊係制服隊伍,通過紀律訓練同活動培養青少年嘅領導才能,加強佢哋嘅責任感同自律性,藉此發展個人潛能,服務社會,為推廣交通安全嘅活動作出貢獻。內部一切事務都係由總監負責,總監嘅職位係由執行委員會委任同需要接受執行委員會嘅監察,總監係香港交通安全會執行委員會嘅當然委員,隊務需要向執行委員會匯報。

香港交通安全隊成立初期只有兩間學校大概四十人參與,經過近五十年嘅發展,目前擁有超過一萬一千位隊員,當中學校隊伍嚟自全香港三百七十幾間中小學同幼稚園。此外,長者交通安全隊同成人隊伍共有三十幾隊。

學校現役隊伍隊員有大概有萬幾人,遍佈喺全香港各區,隊員每日義務協助學童同路人安全橫過馬路,以減少交通意外。根據政府統計數字顯示,每一宗嚴重嘅交通意外所耗費嘅醫藥、維修,搶救服務、家人護理同喪失工作能力等支出高達港幣幾十萬;而引致死亡嘅意外傷害,每宗耗費更高達港幣幾百萬。香港交通安全隊隊員宣傳交通安全知識,協助學童活動,間接有助減少交通意外傷亡嘅發生,無形中亦為政府慳咗大量公帑。

香港交通安全隊隊員定時執勤,積極參與由政府各部門、志願團體同工商機構舉辦嘅唔同類型交通安全推廣活動,從而喚起各界人士重視交通安全,以達至「路上零意外 香港人人愛」嘅宣傳願景。香港交通安全隊亦經常參加各項社會公益活動,例如公益金百萬行、撲滅罪行運動、清潔運動、禁毒運動等,參與活動嘅隊員每年超過一萬人次[1]

隊伍[編輯]

  • 成人隊伍
  • 中小學隊伍
  • 幼兒隊伍
  • 長者隊伍

出面網頁[編輯]

參考[編輯]

  1. . 原著喺2021年1月17號歸檔. 喺2021年3月2號搵到.