香港政治人物學歷爭議

喺香港，有啲議員或政治人喺宣傳自己或者同公眾溝通嘅時候，都會提到自己嘅學歷。不過，當中就有人試過陷入爭議，甚至被指控擁有來自野雞大學嘅假學歷。

涉事政治人物列表

人物	所屬政黨 / 陣營	有爭議之學歷	爭議所在
葛珮帆	傳統親中派民建聯	Greenwich University 哲學博士（管理）、工商管理碩士、工商管理學士	2007年傳媒報導，呢間大學只係未經評審嘅「文憑工廠」，學位未獲澳洲同美國政府承認，整個課程費用唔使一萬美金。被泛民主派質疑嘅時候，葛博士回應話「用9年時間好辛苦讀返嚟，係捱返嚟嘅」，但被問到見證佢博士學歷嘅論文嗰陣，佢就話無留底。
鄭琴淵	傳統親中派民建聯	菲律賓太歷國立大學教育管理博士課程	根據蘋果日報講，鄭喺2012年5月經香港管理專業協會(HKMA)報讀菲律賓太歷國立大學（TSU）教育管理博士課程，第二年四月畢業，畀hkma官網講嘅快。仲有，嗰個另外嗰個教育博士課程，十六科裏面，佢讀咗四科，另外十二科就用咗學分轉移（credit transfer）。 蘋果日報走咗去問鍾意研究政治嘅學者成名。佢話學術界真係容許學分轉移。不過佢唔同意呢一個比例。 蘋果日報又去問佐對家民主黨葉建源，佢以前做過教育學院講師，訪問佢嗰陣，佢就轉咗行去從政，經功能組別入咗立法會做議員。問到佢，佢就話管理教育機構嘅學科好難同社會科學拉上關係。 。 其實件事喺2013年發生，蘋果日報就隔咗兩年先報導。報導嗰日就正正係區議會選舉之前十日。仲要放正喺蘋果日報A1頭版。嗰陣時正值佔中事件之後第一個區議會選舉，大家都比較關心政治。於事乎，件事就畀人講㷫烚烚，要等到區議會選完先至靜返。 最後個選舉又點呢？喺蘋果日報重點招呼下，鄭係直選裏面得到接近六成投咗票嘅選民支持，贏咗對手被視為傘兵嘅挑戰者。
周錦威	傳統親中派自由黨	美國皇家百聖大學	佢曾經被質疑冇喺讀過博士同交過論文，但就標榜自己博士頭銜有欺騙市民之嫌。佢之後就話只係自己捐過幾十萬畀美國皇家百聖大學，對方畀番一個榮譽博士學位佢表示謝意。但呢間大學認受性亦受到一定質疑。
柯創盛	傳統親中派民建聯	Nottingham Trent University	柯創盛對外聲稱有碩士學歷，但最初無申報自己喺邊間大學度讀，被記者問到就答唔出，仲話『遲啲補充畀你』。之後，佢聲稱曾入讀英國大學（Nottingham Trent University）嘅工商管理碩士課程，但校方喺學生紀錄入面，就搵唔到柯創盛嘅名。
何君堯	激進親中陣營新界大聯盟	英國州瑪高等教育學院	何君堯曾經聲稱自己1984年喺英國州瑪高等教育學院（現為安格里亞魯斯金大學）攞到榮譽法律學士學位，但安格里亞魯斯金大學喺1992年才成立，英國州瑪高等教育學院之前只係專上學院，有網民質疑何當年所獲嘅唔係學士學位，只係專上教育文憑。何君堯回應事件嘅時候，就攻擊網民，話人鍾意算舊賬，有心理上嘅缺憾，只係識得諗屎橋，又叫啲人唔好理佢嘅學位邊度嚟，總之就唔係野雞。

外間反應

對於親中陣營唔少人擁有具爭議嘅學歷，泛民主派有部分人士除咗會公開質疑，甚至會作出法律行動。例如，喺2016年香港立法會選舉，喺九龍東出選嘅民主黨胡志偉，亦曾經喺選舉論壇上質疑柯創盛（柯碩士）。有「長洲覆核王」之稱嘅郭卓堅，就曾經就葛珮帆同柯創盛嘅學歷入稟法院，指責佢哋誤導選民，要求取消佢哋嘅議員資格。