香港泳灘

香港泳灘，講香港嘅泳灘，專門為康樂而設嘅沙灘。香港海岸曲折，沙灘甚多，但唔係個個都係泳灘。香港政府有法定泳灘，今下按香港法例第一百三十二章，公眾衞生及市政條例而定，名單寫喺附表四。香港有少量泳灘，唔喺法定裏便。

香港市民一般只會叫沙灘，或者海灘。然而法定名稱，都會加上泳灘，以作識別。而法例英文叫bathing beach，灘名只加上beach。二〇〇七年第一百七十七號法律公告，有四十一個。

香港島有大浪灣泳灘、中灣泳灘、石澳泳灘、石澳後灘泳灘、赤柱正灘泳灘、南灣泳灘、夏萍灣泳灘、深水灣泳灘、淺水灣泳灘、舂坎角泳灘、聖士提反灣泳灘、龜背灣泳灘。

新界有三星灣泳灘、下長沙泳灘、上長沙泳灘、加多利灣泳灘、汀九灣泳灘、更生灣泳灘、貝澳泳灘、近水灣泳灘、長洲東灣泳灘、青山灣泳灘、洪聖爺灣泳灘、海美灣泳灘、馬灣東灣泳灘、清水灣第一灣泳灘、清水灣第二灣泳灘、釣魚灣泳灘、黃金泳灘、塘福泳灘、廈門灣泳灘、新咖啡灣泳灘、銀線灣泳灘、銀礦灣泳灘、蝴蝶灣泳灘、橋咀泳灘、舊咖啡灣泳灘、雙仙灣泳灘、麗都灣泳灘、蘆鬚城泳灘、觀音灣泳灘。

泳灘法例

現時泳灘法例，寫喺第一百三十二章E，泳灘規例入便。

泳灘設施

香港法定泳灘有救生員，但只係喺泳季先會當值。救生員除咗救人之外，都會管理埋沙灘。

方便人換衫，會有更衣室、浴室同廁所。有啲會有小食亭，或者租售用品。

泳灘喺水面會有浮波做界，以防止出面嘅船艇駛入，危害泳客。現今泳灘都會有防鯊網。有啲會有浮臺。