香港跨年倒數
香港跨年倒數，2022年之前叫香港除夕倒數，係香港自2007年底嘅元旦前夕開始每年搞嘅大型跨年倒數活動，由香港旅遊發展局主辦，地點係維多利亞港兩岸，主要係煙花同音樂匯演。2007年到2014年活動都係由新世界發展冠名贊助，2015年開始每年由唔同機構冠名贊助。2007年到2017年活動由無綫電視翡翠台直播，2018年改由香港電視娛樂ViuTV直播，另外收費電視Now TV更會安排4K直播，係香港頭一個獲安排4K直播嘅活動。受疫情影響，活動曾經喺2020年底同2021年底停辦，另外2021年底用「香港跨年倒數演唱會」活動取代，到2022年底正式復辦。