馬來西亞航空17號班機失事

失事客機

馬來西亞航空17號班機失事係馬來西亞航空一架波音777響2014年7月17號由荷蘭阿姆斯特丹史希浦機場飛去馬來西亞吉隆坡國際機場期間，響烏克蘭頓涅茨克州距離俄羅斯邊界約莫40公里嘅上空畀俄羅斯同親俄叛亂武裝分子成立嘅傀儡政權頓涅茨克人民共和國攞地對空導彈打落嚟，飛機內283個搭客同15個機組人員全部死晒。嗰時烏克蘭總統波羅申科形容呢單嘢係恐怖主義行為。