馬內

出自維基百科,自由嘅百科全書
Jump to navigation Jump to search

愛德華·馬奈法文Édouard Manet,1832年1月23日-1883年4月30日),喺法國巴黎出世嘅寫實派同印象派畫家。 馬奈嘅畫風乍睇之下應該屬於古典嘅寫實派畫風,其人物細節都相當之有真實感。但係馬奈之所以亦被歸為印象派畫家嘅原因,在於佢所畫嘅主題,顛覆咗寫實派嘅保守思考。要畫戰爭,就畫衝突性高嘅,被處決嘅畫面。要畫野餐,就畫爭議性高嘅對比,裸女自然噉坐喺著西服嘅紳士身邊。馬奈好明顯噉表示出,印象派並毋係僅僅靠繪畫技巧來與眾不同,主題一可以重新思考嘅一個概念。


著名作品[編輯]

馬奈畫作《草地上嘅午餐英文Le Déjeuner sur l’herbe

草地上的午餐(Le Déjeuner sur l'herbe)就係馬奈嘅成名作品,係1863年巴黎引起好大關注。幅畫介乎於現實主義印象派英文Impressionism之間,當時仲未有印象派出現或者被公開承認。因為幅畫線條忽然細緻忽然簡略,俾人一種未完成嘅感覺居多,所以比大眾認為係印象派嘅前身。而引起關注原因,並唔係因為裸女,而係因為裸女身邊兩個男人好明顯係普通男人,仲要係馬奈嘅細佬古斯塔夫和佢妹夫費迪南德·里郝夫,而個裸女同兩個男人又咁近甚至有身體接觸。係當時嘅西方,畫裸女冇問題,女神赤裸冇問題,一群裸女都可以。不過畫公仔畫出腸,表明係妓女就一直都唔會有人咁做。因為當時巴黎雖然有大量妓女,但係一般冇人會去揭瘡疤。如果留意幅畫左下角,會見到有隻青蛙仔。而當時法文嘅青蛙仔「grenouille」帶有好多種含義,令人基本可以肯定佢係個妓女。 幅畫有咗咁多意思,而且係社會同政治意義,自然引起關注。馬奈本來想拎去參展,不過因為太多人認為有問題,加上當時現實主義係藝術主流,所以就比人和諧咗。[1]

出面網頁[編輯]

  • https://en.wikipedia.org/wiki/Le_D%C3%A9jeuner_sur_l%E2%80%99herbe