亨利·馬蒂斯

出自維基百科,自由嘅百科全書
(由馬蒂斯跳轉過嚟)
1933年嘅亨利·馬蒂斯

亨利·馬蒂斯Henri Matisse1869年12月31號1954年11月3號)係一個法國畫家,野獸派嘅創始人、主要代表人物,亦係雕塑家、版畫家,係20世紀最有影響力嘅畫家之一。以使用鮮明、大膽嘅色彩而出名。

生平[編輯]

亨利·馬蒂斯喺法國北部省嘅康布雷附近出世,1887年去巴黎法律,畢業之後返鄉下做地方法院行政官。佢有闌尾炎嗰時,第一次開始作畫,重發現咗入面嘅樂趣「好似喺天堂入面」。1891年,佢返去巴黎,喺朱里安學院學繪畫,成咗布格羅同埋莫羅嘅學生。

因為畀後印象派嘅畫家塞尚、高更、梵高、希涅克嗰啲人影響咗,同時又吸收咗日本藝術形式,佢喺自己嘅作品入面將顏色嘅作用發揮到極致,由1899年到1905年佢嘅作品好多都用咗希涅克嘅點彩畫派技巧。

佢嘅作品喺1901年第一次參展,1904年第一次開個人畫展。1905年佢去南方同安德烈·德朗一齊做嘢,不時去蘭色海岸,佢呢個時侯嘅風格變成平坦嘅畫面,輪廓鮮明,唔顧細節,色彩大膽,變成咗野獸派嘅領袖。嗰陣時嘅野獸派有德朗、哈奧·杜菲同埋莫里斯·弗拉曼克嗰啲人。1906年野獸派運動開始逐漸消失,但係馬蒂斯始終堅持自己嘅風格,喺1906年到1917年之間創造咗好多作品。

佢係後生啲嘅畢加索嘅朋友,同時又係對手,佢覺得自己嘅畫作係來自自然,而畢加索嘅係來自自己嘅想像。兩個人都以女人同埋靜物當成主要描繪對象,馬蒂斯更加傾向於將描繪嘅對象放入真實嘅場景入面。