高淳

高淳（粵音：gou¹ seon⁴）係中國江蘇省南京市嘅區。面積802km²，人口42.5萬（2013年），轄8個鎮、4個單位。

• 鎮：淳溪鎮、陽江鎮、磚牆鎮、古柏鎮、漆橋鎮、固城鎮、東壩鎮、椏溪鎮
• 單位：高淳縣團結圩良種繁育場、高淳縣茶葉實驗場、高淳監獄、傅家壇林場

史

• 春秋周景王四年（前541年）吳王余祭係今日高淳城南十五公里嘅地方築「子羅城」，因為城牆高固，所以又叫「固城」，即係今日嘅固城鎮。然後以此設瀨渚邑（讀「賴主泣」，粵拼：laai⁶ zyu² jap¹），「瀨」係指呢度流經嘅中江古名叫「瀨水」，「渚」係指固城起喺江灘上。三年之後楚靈王攞咗呢個城。因為楚平王做太子時據守過呢城，後人將固城叫做楚王城。後來畀吳、楚、越爭過。
• 秦始皇改瀨渚邑爲溧陽縣（溧讀律，粵拼：leot⁶ joeng⁴ jyun⁶）。「溧」同「瀨」嘅上古音相通，「陽」係瀨水之北。溧陽縣轄今日高淳、溧陽、溧水南部，治所固城。從秦到東漢，固城係縣內中心。
• 三國東吳廢溧陽，喺原先縣嘅東部設永平縣，治所今日溧陽城南古縣村，係今日溧陽嘅前身。
• 晉太康元年（208年）永平縣改名永世縣，然後恢復溧陽縣。
• 隋朝永世縣併入溧陽縣，之後將丹陽縣東部併入溧陽縣，溧陽縣改名溧水縣（粵拼：leot⁶ seoi² jyun⁶）。高淳用咗810年嘅「溧陽」縣名終結。
• 唐朝（620年）溧水縣東部異地重置溧陽縣，即係今日嘅溧陽市，縣治今日溧陽嘅舊縣村。
• 明弘治年間溧水縣南部分置出高淳縣，然後延續至今。縣名出自縣治高淳鎮，高淳鎮即係今日嘅淳溪鎮。
• 2013年3月28號高淳由縣撤換爲區，叫高淳區。

攷

• 中國高淳