魑魅魍魎 (卡通片)
魑魅魍魎，日本卡通片集，新銳動畫製作，高松信司監製，經電視廣播，放喺二〇二二年七月到九月。主要有東京電視台。
故仔歸入搞笑，畫風似畀細蚊睇。有十二集，一集講兩節故仔，節節有地獄為題。場景描繪以鎌倉周圍同一帶海岸，以及江之島電鐡線[1]。主要場景為住宅，住有鬼神氏一家，有三姊妹，而亞媽去咗外國。大女打工，兼代母職，打理家頭細務。二女美術大學學生，好錢財。三女中學生，背住家人，上網經營網主身分。
地獄派出使者，要化人間為地獄。使者有十二手下，叫魑魅魍魎，圓圓一團咁款怪物，有角，外表可愛，池咪咁叫。有隻先上人間，潛入鬼神宅，畀三女發現。夠晒得意，一家收留。然而魑魅魍魎一聽地獄字眼，就會招引同伴，十二隻連同使者齊齊到人間。三女按魑魅魍魎日文平假名，頭三音似廣東音池咪魔稱呼。佢哋隻隻唔同，按樣各有叫法。而使者就因佢叫地獄來使者，一家叫佢地獄生。使者有上司，使者叫佢地獄先輩。地獄生就住喺鬼神家儲物櫃，做人間大本營，然而要交租同做家務。佢話就要化人間為地獄，然而受三姊妹感化，常感幸福，唔點即極，不過同時受上司電話追問，又要做啲嘢。然而人間日常都好地獄，之後就講如此種種，至終說服上司。
除咗廣播之外，亦有網上一輯漫畫。
廣播期二〇二二年八月，同江之島電鐵合作，車箱以本作為題材粉飾[2]。
攷
[編輯]- ↑ 〈【舞台探訪】アニメ『ちみも』の舞台・鎌倉周辺を巡る（1～5話まで）〉。
- ↑ 〈江ノ電〉。《TVアニメ「ちみも」公式サイト NEWS》。江ノ電。2022-07-12。喺2022-07-12搵到。